Luka 1:35 - Nouveau Testament en Ngombe 1961

³⁵ Obwɛnji amosɔmbeja bo, Mwembo Mosɛnɔke môdoa ai wɛ. Ndangasa eYona oBonɔ êhua wɛ, na yona ôbotama na wɛ âbeama mosɛnɔke, Mwana oNjambe.

Luka 1:35 Referans Kwoze

Matayo 1:18

Bobotama boYesu Masiya boda a njea ye. Yesu apanda Malia nange eYesu, lyo ko aboloa na demi dimolwaja Mwembo Mosenɔke, oko bapetakini da momi na mwali.

Yoane 1:49

Natanaele amosɔmbeja bo, Labi, wɛ odi Mwana oNjambe. Odi Kumu oYisalaele.

Yoane 1:34

Mbi namoni mbi mɛnɛ, na natɔndɔkɔ na soti bo Iyo adi Mwana ’Njambe.

Baloma 1:4

Iyo ko akuma o Mwana ’Njambe na ndangasa a njea eMwembo mobosɛnɔ, yana angɔ yo a tei ebagwake.

Matayo 1:20

Yana alɛkɛ yo boa, obwɛnji oKumu adoa ai yo a njɔti, na abala bo, Wɛ Yosepa mwana ’Dawidi, pɛ bobanga bosɔ mwali owɛ Malia, mojɔ bo demi dilwai yo lidi mojɔ moMwembo Mosɛnɔke.

Malako 1:24

Iyo abekoa bo, Wɛ, Yesu oNasaleta; mojɔ mosu na wɛ modi bo? Odoi a bowa so? Mbi najebaka wɛ. Odi yona Mosɛ nɔke oNjambe.

Matayo 27:54

Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti!

Baebele 4:15

Mojɔ bo, iso boditi na Nganga Monɛnɛ yona opeliti wa ai so yana adi so na bwɛmbu, oko Nganga Monɛnɛ yona onɔ njea jisusu jibomeka o akɔkɔ so, pɛ ko bokɔ nongo bobe.

Luka 1:27

ai okina moseka yona oijebeana nongo na momi, kombe ende Malia. Okina momi amopanda, kombe ende Yosepa, moto ombota eDawidi.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Bikɔmɛli 8:36

Akɛkɛ bo a njea emina, bamea a ekina ediba. Mosuku omina abala bo, Anja madiba! Mbi nabwaniti bobatisama?

Yoane 20:31

Ibi ko bisɔnɔmi bo ojimeni bo Yesu adi Masiya, Mwana oNjambe, na bo odaeni na bomɔ a kombe ende, oko a mojɔ moejimeli.

Malako 1:1

Bobanga boMwako Mopele moYesu Masiya, Mwana oNjambe.

Baɛpɛsɔ 2:3

Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

Matayo 14:33

Baya badaka a bwato basakoa Yesu na babala bo, Wɛ odi Mwana oNjambe soti,

Matayo 4:3

Momeki adoa ai yo na abala bo, Isa wɛ odi Mwana ’Njambe, bala na matai mama bo mabongoe milɛmbɛ.

Luka 1:34

Malia abala na obwɛnji bo, Mojɔ momina môda boa na ye, adi mbi pɛ bojeba nongo momi?

Luka 1:36

Anja pako ewɛ Elisabeta. Nongo akɔmɔbi yo, alwabi demi, oko mwana momi. Bamobea motete; edɛye ko songe bande basi basamano.