Baɛpɛsɔ 6:10 - Nouveau Testament en Ngombe 1961

¹⁰ Mojɔ mosuka,—sapingejani a tei eKumu na bopipo bondangasa ende.

Baɛpɛsɔ 6:10 Referans Kwoze

Bafilipoi 4:13

Nahɔnɔkɔ ngando jisusu a tei ende yona opaka mbi ngulu.

1 Bakolinto 16:13

Ino, toma sɛnjɛlɛni bopele; dani bambilimake a ejimeli enu; dani bami mɛnɛ; dani bato bapipo.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

Bakɔlɔsai 1:11

Yɛ ngulu ende yena enɔi, epingejae no na ngulu esusu, bo ohɔneni mijɔ misusu na lingbangba, na eci, na sepi pongono.

Baɛpɛsɔ 1:19

na ndangasa ende pɛ njɛngi ai so baya bajimaka; mwɛngi momina modi oko elomu ekɔ yo na bopipo bongulu ende

Baɛpɛsɔ 3:16

bo apɛ no bopingeja bongulu eMwembo monde a tei enu, moto namoto, oko nalikabo liekumu ende yena enɔi.

2 Timoteo 4:17

Kumu ko adaka ami a dɔngɔ dimbi, na apani ngulu a botɔndɔ Mwako Mopele mosusu, bo bapakano basusu ba’ke. Oko boa nahela a mino magbɔngɔ.

2 Timoteo 2:1

Wɛ ko mwana’mbi, da moto ongulu a mojɔ momonganji mua modi a tei eMasiya Yesu.

Bafilipoi 4:8

Mojɔ mosuka baninga, baneani a milema minu oko ngando jia jidi soti, jia jibɔngi, jia jidi bojo, jia jidi jisɛnɔke, jia jidi na epaeli, jia jidi na gala epele,—isa jinɔi na bopele, isa jibwani na bosakoa.

2 Bakolinto 13:11

Mojɔ mosuka baninga,—asɔni njɛbɛ embi. Bɔngejani midi minu. Hokeani eleho embi. Dani na molema momɔci. Dani na bowi, na Njambe obowi lida na nu.

1 Pɛtɛlo 3:8

Mojɔ motongo; dani no basusu na molema momɔci, na peye na epaeli ai baninga, na wa, na bombɔki.

Bafilipoi 3:1

Mojɔ motongo baninga, sepakani a tei eKumu. Mbi nitangwa nongo bosɔnea no ekenge emina, na obwanini boejima.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.

1 Yoane 2:14

Nasɔnei no basango, mojɔ bo ojebakani yona odaka oko a bobanga mɛnɛ. Nasɔnei no menga, mojɔ bo odini na ndangasa, na Ebaeli eNjambe eyeyoaka a tei enu, na ogbokejaini yona mobe.