Baɛpɛsɔ 5:8 - Nouveau Testament en Ngombe 1961

⁸ Odakani bosoboso modidi; e dɛye ko odini bohu atei eKumu; oko boa, toma dani na bikɔmɛli bibana babohu.

Baɛpɛsɔ 5:8 Referans Kwoze

Yoane 8:12

Yesu abala koko na bato bo, Mbi nadi bohu bongondo. Moto akacingama na mbi, atadala a modidi; âda oko na bohu bobomɔ.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Bakɔlɔsai 1:13

Iyo ahelejai so a ngulu emodidi, na akwejai so a Bokumu boMwana’nde ongɛnjɔ.

Yoane 12:46

Mbi nadoi o bohu a ngondo, bo yona ojimeaka mbi atayeyoa koko a modidi.

Baɛpɛsɔ 4:18

Bocingea bobu bodi bokutubanake, na babɔtɔnɔ na bomɔ boNjambe cina elibumi libu lia licini na milema Mibu mipipo.

Yoane 12:36

Adi no na bohu, jimani bohu bomina, bo odaeni bana babohu. Asieja yo bobala mijɔ mi, Yesu adonga na asabomba ai bo.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Tito 3:3

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.

Luka 16:8

Kumu okapita mobe amosakoa a mojɔ mobowɛi bonde. Mojɔ bo, bana bangondo ye banɔi bana babohu na bowɛi a mojɔ mongando jibu.

Baɛpɛsɔ 6:12

Mojɔ bo, bila enaka so editi na mini na makia; edi oko na makumu, na kpaci, na bakumu bangondo ye emodidi, na mandundu mamiembo Mibe a bisika bidiko.

2 Bakolinto 3:18

Iso basusu, maso masu a bohu, bonjaka ekumu eKumu, o anjaka so a talatala, na bokindoaka a elimo ende. Bokinaka ekumu emɔci a bosɔ ekumu etongo; mojɔ momina mocingi oko na Kumu yona odi Mwembo.

Luka 1:79

Bo ahojae baya badi a modidi na a esie ebogwa, Na a bodaleja mako masu a njea ebowi.

2 Bakolinto 6:14

T’okataneni oko na bato baya badi pɛ bojima Njambe, mojɔ bo bopele na bobe te bapandake nongo limbaci. Na bohu na modidi te bapandake limbaci.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

Baloma 2:19

Ojimaka na soti bo obwani boneja njea ai bato baya bagwa miso, na bo odi bohu ai baya badi a modidi,

Yoane 1:9

Bohu bomina bodaka bohu bosoti, na bodoa a ngondo a bopa bato basusu bohu.

Matayo 4:16

Bato baya badaka modidi Bani bohu bonɛnɛ. Na busa bohoi Ai bato baya badaka a esika ebogwa na a esie ebogwa.

Bagalata 5:25

Isa bohelaka a mojɔ moMwembo, bobwani bosuma Mwembo pongono.

Baloma 1:21

Ibo ko, yana ajeba bo Njambe, baimokumeja o Njambe, na baimosakoa. Bahekoa a ngando jingasangasa, na milema mibu miyebe mihinda oko bohinda.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Bikɔmɛli 17:30

Njambe adipa miso mande a mojɔ mongando jiehole elibumi limina. Edɛye ko abekeaka bato basusu a ngondo esusu bo bahekojae milema mihu.

Matayo 3:8

Isa ohekojaini milema, anejani bimbete bia bibwani,

Yoane 12:35

Yesu abala na bu bo, Bohu bodi boyeyoa na nu oko ehole ekue pɛ. Dalani yana adi no na bohu, bo modidi motadipa no njea. Mojɔ bo, yona odalaka a modidi atajebaka nongo njea ekɛkɛ yo.

Baloma 13:12

Bulu bobengi bosia, na busa bobengi bohoa. Yɛni so bobulɛe ngando jimodidi bo bolwae molilo mobohu.

Bakɔlɔsai 1:12

Sakoani Sango yona obɔngejai so bo bosangoe libondo lihsango libasɛnɔke a bohu.