Baɛpɛsɔ 5:2 - Nouveau Testament en Ngombe 1961

² Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Baɛpɛsɔ 5:2 Referans Kwoze

Yoane 13:34

Mbi napaka no mobeko moyene, bo opalaneni; toma palanani o apalaka mbi no.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Bakɔlɔsai 3:14

Ngɛnjɔ ko enɔi ngando ji jisusu; ekatanejaka na boka-tana bosoti.

2 Bakolinto 2:15

Mojɔ bo, so bodi ai Njambe oko soo epele eMasiya, a mojɔ mobato baya bahelaka, na baya bagwaka pongono;

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

1 Bakolinto 16:14

Kɔni bilomu binu bisusu oko na epaeli.

Matayo 20:28

o adi Mwana ’Moto yona odoa bo apɛ mohelo monde o lisiko libato banɛnɛ, te bo bato badi bomokɔmɛ.

1 Pɛtɛlo 4:8

Mojɔ monɛnɛ modi bo opalaneni na ngɛnjɔ enɛnɛ, mojɔ bo ngɛnjɔ ekundaka jibe kanga jinɛnɛ mɛnɛ.

2 Bakolinto 8:9

Ojebakani monganji moKumu osu Yesu Masiya; nongo adaka yo konji, akindoa moto obokwali a mojɔ monu, bo bokwali bonde bopɛ no makonja manɛnɛ.

1 Yoane 3:16

Bojebaka ngɛnjɔ oko na mojɔ mu, bo yo apa mohelo monde a mojɔ mosu; na so hobwani bopa mihelo misu a mojɔ mobaninga.

Boboloja 1:5

na Yesu Masiya, Motati oejimeli, Mwana-sɔmi a tei ebagwake, Mosuku obakumu bangondo. Iyo apalaka so, na asikoa so a jibe jisu, na makia mande,

Baebele 9:26

Akɔki yo kɔ boa, ka adingoe bihole binɛnɛ, banga na libangake lingondo. Iyo ko adoa ehole emɔci pɛ a suka ebianga, bo asapɛ yo mɛnɛ lisiko a bodongeja bobe.

Baebele 9:14

esingaiti makia maMasiya yona osapa lisiko, pɛpɛ nongo litɔnɔ, ai Njambe a njea eMwembo mua modi na bosusu; madi bosɛnoja milema minu a bilomu bigwake, bo okɔmɛeni Njambe obomɔ.

1 Timoteo 2:6

yona osapa yo mɛnɛ, lisiko libato basusu. Iyo angameja mojɔ momina a ehole yena ebwana.

Baɛpɛsɔ 4:15

Bobwani bopea boku mijɔ misoti, oko na epaeli, bo bokandoe a njea jisusu a tei eMasiya yona odi molo.

1 Yoane 3:23

Mobeko monde modi oko bo bojimee kombe eMwana’nde Yesu Masiya, na bo bopalaneni o apa yo so mobeko.

1 Timoteo 4:12

T’okine oko bo moto asɛtojae wɛ mojɔ bo odi oko mwɛnga pɛ. Aneja bato baejimeli ekoaneli epele na ebaeli ewɛ na moda mowɛ, a mojɔ moepaeli, na ejimeli, na bosɛnɔ.

1 Batɛsalɔnike 4:9

Ebɔngiti bo nasɔnee no a mojɔ moepaeli ai baninga, mojɔ bo Njambe yo mɛnɛ akoja no bo opalaneni.

Baɛpɛsɔ 4:2

oko na bosatiteja bonɛnɛ, na bombɔki, na lingbangba. Moto adi boda na moto otongo oko bowi a mojɔ moepaeli.

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;

Baebele 9:23

Isa leka lua lodaka oko bimbete bingando jiDiko losɛnoa a mojɔ momasiko mamina, ngando jiDiko mɛnɛ jibwana na masiko maya manɔi masiko mamina na bopele.

Baɛpɛsɔ 3:19

na bo ojebeni ngɛnjɔ eMasiya yena enɔi ejebeli esusu, na bo olumeni botɔ na boluma boNjambe kanga boya mɛnɛ.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

Baɛpɛsɔ 5:25

Ino bami, dani na ngɛnjɔ ai bali banu, o adaka Yesu na ngɛnjɔ a Denga, na asapa a mojɔ moDenga

1 Bakolinto 5:7

Dumbani lipetu liyou, bo odaeni molɛmbɛ moyene, pɛpɛ nongo lipetu a tei enu. Mojɔ bo, Mwana-Bata osu oKola-eBonɔ agwa, oko Masiya yo mɛnɛ.

Baloma 4:25

oko Yesu yona ogwa a mojɔ mojibe jisu, na angɔ a bogwa a bolongeja so.

Yoane 6:51

Mbi nadi molɛmbɛ mobomɔ mua mohula oho Diko. Moto akayaka molɛmbɛ mu, âda na bomɔ oko na bosusu mɛnɛ. Na molɛmbɛ môpa mbi modi oko munu mombi; namopa a mojɔ mobomɔ bongondo.

Baloma 8:37

Pɛpɛ. Iso bogbokejaka a tei engando ji jisusu na bopipo mɛnɛ, oko na yo yona opalaka so.

Baloma 15:16

bo nadae mokɔmɛli oMasiya Yesu a tei ebapakano, a elomu eMwako Mopele moNjambe. Oko boa bapakano bâda epeeli ebwanake, epeeli esɛnɔke, a mojɔ moMwembo Mosɛnɔke.

2 Bakolinto 2:14

Mbi nasakoaka Njambe mojɔ bo adalejaka so mondinda na Yesu, na ekumu ende, masu masusu. Na ejebeli ende enanganaka na su a bisika bisusu o soo epele.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Baɛpɛsɔ 5:15

Toma nganjamani a mojɔ momida minu; dani na bopasa, pɛpɛ bogegele.

Bafilipoi 4:18

Mbi ko nasi leka losusu. Nadi na lituna lileka, mojɔ bo nasi toma eloma no na Epapulodito. Naditi koko na taka, na toma enu edi o epeeli esoo epele ejimaka Njambe, na emosepejaka.

Baebele 8:3

Nganga basusu bahɛngɛmɛkɛ a bopa bipeeli na masiko. Oko boa yo koko abwani boda na eka a bopa.