Baɛpɛsɔ 5:15 - Nouveau Testament en Ngombe 1961

¹⁵ Toma nganjamani a mojɔ momida minu; dani na bopasa, pɛpɛ bogegele.

Baɛpɛsɔ 5:15 Referans Kwoze

Bakɔlɔsai 4:5

Kinani bikɔmɛli bmu bidae na bowɛi a mojɔ mobato basokolu; pɛ bonamejani masu manu.

Yakobo 3:13

Okina onu adi na bowɛi na ejebeli emijɔ? Mohelo monde mopele modi boneja bikɔmɛli bipele, oko na molema motitake mobowɛi

Bafilipoi 1:27

Ino ko, toma dani na ekɔmɛli yena ebwani na Mwako Mopele moMasiya. Oko boa, nongo nakadoa a bo’nɛnɛ na nu, isa nakadika ya, nadi boka mwako monu, bo odini bambilimake na molema momɔci, a bo’na o moto omɔci a mojɔ moejimeli eMwako Mopele.

1 Bakolinto 14:20

Baninga, t’odaeni oko na bocingea bobɛngɛ. Dani na ekɔmɛli ebana bakɛkɛ a mojɔ mobobe; dani basuku ko a mojɔ mobocingea.

1 Timoteo 6:9

Ibaya badi na posa elikonja bakwaka a ndingea, na bataka elambo, na balaboaka na posa jibe jingasa jia jidindejaka bato a bogwa na bodimoa.

1 Pɛtɛlo 1:22

Lisuma linu a mijɔ miSoti lisɛnojai milema minu, bo odaeni na epaeli esoti ai baninga; oko boa toma palanani na ngulu emilema minu.

Matayo 10:16

Hokeani; mbi nalomaka no o bata baya bahikami na swa. A mojɔ momina, toma dani na bopasa bonjɔ na bowi bosungu.

1 Batɛsalɔnike 5:15

Nganjamani bo moto atasɔmbeja bobe oko na bobe; dukani njea a bokɔ bopele, moto ai mina’nde moto, na ai bato basusu.

Luka 24:25

Yesu abala na bu bo, Ino bato balibunga! Milema minu midi na kitɛ a mojɔ mongando jisusu jibala batɔndɔi cina eye?

Bagalata 3:3

Adi no bindanga soti? Abanga no na Mwembo, opalakani bosukeja oko na ngando jimini?

Baebele 12:25

Nganjamani, osaka lonani boka yona obalaka. Mojɔ bo, isa bato baihela baya balona boka yona obaleha ya nase, esingaiti so, boka-sɛtoja yona obalaka oho Diko; iso bohela na ye?

Matayo 27:24

Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu.

Boboloja 19:10

Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Matayo 8:4

Yesu ajɔ na nde bo, T’otɔndɔe oko moto mojɔ mu. Kɛ ko ai nganga, saneja ai yo, na pa epeeli ebekea Mose a mojɔ momina bo bajebe.

Baɛpɛsɔ 5:33

Oko boa, yɛ moto na moto adae na mwali onde ngɛnjɔ o asapalaka yo mɛnɛ, na mwali adae na lisuma ai muma’nde.

Bakɔlɔsai 1:9

Iso bobanga bonga Njambe a mojɔ monu a busa boka so mojɔ momina, na botakinaka bonga. Bongaka bo olumeni na ejebeli ebolulea boNjambe, oko na bowɛi na bocingea bosusu boMwembo,

Bagalata 3:1

Ino BaGalatia, ino bindanga. Oseli no nda? ino baya banɛ na miso manu Yesu Masiya a mole-mobokea, bohu mɛnɛ.

Matayo 27:4

Abala na bu bo, Mbi nakɔi mojɔ mobe. Nakabi mopindea. Bamosɔmbeja bo, Mojɔ mowɛ mɛnɛ, te mosu!

Matayo 25:2

Ba’bu batano badaka na bondanga, na batano koko badaka na bowɛi.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.