Baɛpɛsɔ 4:24 - Nouveau Testament en Ngombe 1961

²⁴ Toma lwani moto moyene yona oyoama a elimo eNjambe, na bodongo, na bosɛnɔ bosoti.

Baɛpɛsɔ 4:24 Referans Kwoze

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baloma 13:14

Lwani oko Yesu Masiya o elwaeli enu; t’okineni oko pokiso a mojɔ momunu, a bogoleja posa jimunu.

Baɛpɛsɔ 6:11

Lwani molilo mosusu mobila moNjambe bo ohɔneni ndungu jiSatana.

Baloma 6:4

Yana abatisama so, bopuseama na nde a tei ebogwa, bo bodae na ekɔmɛli ebomɔ boyene o angɔjɔmɔ Masiya a bogwa na ekumu eSango.

2 Bakolinto 3:18

Iso basusu, maso masu a bohu, bonjaka ekumu eKumu, o anjaka so a talatala, na bokindoaka a elimo ende. Bokinaka ekumu emɔci a bosɔ ekumu etongo; mojɔ momina mocingi oko na Kumu yona odi Mwembo.

2 Bakolinto 4:16

A mojɔ momina, bota’ngwa nongo. Isa moto osu osokolu agwaka, moto yona odi a tei asɔkɔ ngulu eyene busa na busa.

Baloma 13:12

Bulu bobengi bosia, na busa bobengi bohoa. Yɛni so bobulɛe ngando jimodidi bo bolwae molilo mobohu.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

1 Pɛtɛlo 2:2

Adi no bana baya bapakiti botama, kwani posa enu edae a mabɛ masɛnɔke mamwembo, bo okandoeni a mojɔ mobohela,

Baloma 8:29

Mojɔ bo ajeba bosoboso baya badi boda bato bande. Akolea eyou bo badae na elimo eMwana’nde, bo yo adae Mwana-sɔmi a tei ebananango banɛnɛ.

Yoane 17:17

Ekenge ewɛ edi Soti. Hɛngɛ bo ai wɛ oko na Soti ewɛ.

Bagalata 6:15

Bolena boganda, isa bodi isa boditi, bodi mojɔ mongasa; mojɔ momɔci mua mobwani modi oko moto moyene.

Bagalata 3:27

Ino basusu baya babatisama ai Masiya, balwa Masiya oko bolwa.

1 Bakolinto 15:53

Mojɔ bo mokuku mu mobopɔ modi bolwa mokuku mua mobwamti bopɔ; na mokuku mu mobogwa, modi bolwa mokuku mua mobwaniti bogwa.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Baebele 12:14

Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

Baebele 1:8

A mojɔ moMwana ko, abalaka bo, Ee Njambe, ngɛndɛ ewɛ edi na bosusu mɛnɛ. Tondo eBokumu bowɛ edi tondo ebosambeja bojo.

Luka 1:75

Bodi bomokɔmɛ masu ma’su masusu

Baloma 7:6

Edɛye ko, Mibeko miditi koko na kpaci ai so; bodaka a mbɔci jiMibeko, na bogwa bo bokɔe elomu esu na bomɔ boyene boMwembo, te a njea eMibeko miyou mimokanda.

Baloma 12:2

T’odaeni oko na ekɔmɛli ebato bangondo ye. Toma dani na milema miyene bo okindoeni elimo etongo; oko boa odini bojeba bolulea boNjambe na soti, bolulea bonde bopele, bobɔngɔke na bobwanake.

Mokanda Momibae Mosɔnɔ Pɛtɛlo - 2PE 1:4

Api so madikeja maya manɔi na yumu na bopele a tei ende, bo oheleni a bopɔ bua bodi a ngondo, bua bocini na posa jibe, cina emadikeja mamina, na bo odaeni na elimo eNjambe a tei enu.