Baɛpɛsɔ 4:18 - Nouveau Testament en Ngombe 1961

¹⁸ Bocingea bobu bodi bokutubanake, na babɔtɔnɔ na bomɔ boNjambe cina elibumi libu lia licini na milema Mibu mipipo.

Baɛpɛsɔ 4:18 Referans Kwoze

Matayo 13:15

Mojɔ bo milema mibato ba midi na bondanga. Matoi mabu madi na bohoka. Badipi miso mabu oko bodipa, Bo bata’nɛ na miso, na bata’ka na matoi, Na batacingea na milema, Basaka hekoa ai mbi bo nabahelejae.

Baɛpɛsɔ 2:12

A ehole emina odakani habɔtɔnɔke na Masiya, pɛpɛ nongo lisango a bokumu boYisalaele, pɛpɛ nongo libondo a mikongo minjikano, pɛpɛ nongo njingo, pɛpɛ nongo Njambe a ngondo.

Yoane 12:40

Iyo adimei miso mabu, na apingejai milema mibu, Bo batanɛ na miso, batacingea na milema, Basaka hekoa ai mbi bo nabahelejae.

1 Batɛsalɔnike 4:5

te nongo na posa na lisɔngi o akɔkɔ bapakano baya batajebaka Njambe.

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

2 Bakolinto 4:4

Mojɔ bo njambe ongondo ye ahua milema mibato bamina baya badi pɛ bojima, bo bata’nɛ bohu boMwako Mopele moekumu eMasiya yona odi elimo eNjambe.

Bakɔlɔsai 1:21

Ino odakani na lipɔlɛ ai yo; odakani na nde soki a milema minu, bato babikɔmɛli bibe.

1 Yoane 2:11

Moto ko yona odi na mwangwa’nde soki adi a modidi, na adalaka a modidi; t’ajebake esika ekɛkɛ yo, mojɔ bo modidi mohindejaka miso mande.

Bagalata 4:8

Boso-boso, oijebakani nongo Njambe; odakani babuli baba-njambe baya baditi banjambe na soti.

Baloma 11:25

Baninga, mbi napalaka bo ocingeeni mojɔ mu mobombamake, osaka dani na egbo. Modi oko bo likma libondo liYisalaele lidi na miso mago, na bâda boa oko a ehole êbwana etango ebapakano.

Baloma 1:28

Balɛ bo babwani bosɛtoja Njambe; oko boa Njambe abakina o babuli bamilema mibu mibokosea, bo badae na bikɔmɛli bia bibɔngiti.

Bikɔmɛli 17:30

Njambe adipa miso mande a mojɔ mongando jiehole elibumi limina. Edɛye ko abekeaka bato basusu a ngondo esusu bo bahekojae milema mihu.

1 Bakolinto 1:21

Mojɔ bo Njambe akolea na bowɛi bonde, bo ngondo etamojeba na bowɛi bongondo; na ajima bo ahelejae bato baya bajimaka, a mojɔ moyebe eetɔndɔli eMwako Mopele.

Baloma 2:19

Ojimaka na soti bo obwani boneja njea ai bato baya bagwa miso, na bo odi bohu ai baya badi a modidi,

Malako 3:5

Yesu abanja na kɛlɛ, na adaka koko na wa, mojɔ bo milema mibu midaka Inipipo. Abala na moto omina bo, Ninoja ebɔ. Iyo aninoja ebɔ ende, na yogo eebɔ ende esia oko bosia.

2 Bakolinto 3:14

Milema mibu ko miidaka nongo na njɛnɛ; nongo bakalanga Mokongo Moyou busa bu, ehuako emina edi oko, mojɔ bo ehuako emina edi bodonga oko na Masiya.

Bikɔmɛli 3:17

Baninga, mbi najebaka bo okɔni mojɔ momina a libumi linu, no bɛnɛ na bakumu banu pongono.

Baloma 11:7

Cina emina edi bo? Edi bo BaYisalaele baduka mokina mojɔ, pɛ ko bomoboloja. Bahɔmɔke ko bamoholoja, na milema mibu batongo mipinga oko bopinga.

1 Bakolinto 2:8

Bakumu bangondo ye batacingeaka bowɛi bomina. Akɔkɔ bo cingea, ka baiwa Kumu oEkumu a mole-mobokea.

Baɛpɛsɔ 2:1

Ino odakani kanga bagwake mɛnɛ a mojɔ momalaboa manu na jibe jinu.

Baebele 5:2

Ajebi boda na molema mo yɛmbu ai bato baya badi na libumi, na baya badi balaboake, mojɔ bo yo abindani na bwɛmbu yo mɛnɛ.

Baebele 9:7

A tei eetondo ebibae ko, nganga monɛnɛ akweaka oko yo buki tu yanga ehole emɔci, na t’akputoake botomba makia bo amapejae a mojɔ monde mɛnɛ, na a mojɔ mojibe jibato.

1 Pɛtɛlo 1:14

Dani bana balisuma; pɛ bogbokani na posa jibe, jia jidaka na nu a ehole elibumi linu.