Biblia Todo Logo
Bib sou entènèt

- Piblisite -




Baɛpɛsɔ 2:3 - Nouveau Testament en Ngombe 1961

3 Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

Gade chapit la Kopi




Baɛpɛsɔ 2:3
54 Referans Kwoze  

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.


Dani bana balisuma; pɛ bogbokani na posa jibe, jia jidaka na nu a ehole elibumi linu.


Toma hwani moto moyou yona odaka na ekɔmɛli eyou, yona odi mopɔke mɛnɛ a mojɔ moposa jibokosea.


Lwani oko Yesu Masiya o elwaeli enu; t’okineni oko pokiso a mojɔ momunu, a bogoleja posa jimunu.


T’ojimeni oko bo bobe bodae na bokumu a mikuku minu mia midi bogwa. T’osumeni oko posa jimokuku.


Mojɔ bo, ngando jisusu jia jidi a ngondo, na posa emokuku, na posa emiso, na jala emohelo mu, jicingi oko na ngondo pɛ, te nongo na Sango.


Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.


Ino odini oko bana basangwa’nu Satana, na opalakani bokɔ ngando jipalaka sangwa’nu. Iyo adaka mowoi oko a bobanga mɛnɛ, na acingiti nongo na ngando jisoti, mojɔ bo Soti editi a tei ende. Yana abalaka yo na bokosea, abalaka oko kɔpi ende mɛnɛ, mojɔ bo adi mokosei, na sange ’bokosea.


Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.


Wɛ mɛnɛ oditi na bato batongo amɛci? Opeli ekina eka yena edi wɛ pɛ bosɔ? Oko boa, isa oesɔ oko bosɔ, osakumejaka mojɔ moye o moto yona oisɔ epeeli emina?


Mojɔ bo, najebaka bo pɛpɛ nongo mojɔ mopele modi a tei embi, oko a tei emunu mombi. Nadi na bolulea bo nakɔe bopele, pɛ ko bohɔnɔ bokɔ boa.


Ebaeli ko egboki, na edikaka edada, mojɔ bo minɔngɔ mingondo ye, na bokosea bolikonia, na posa engando jitongo, jikweaka a tei ebu.


Bosoboso ino odakani na lipanga ai Njambe; edɛye ko osɔkɔni monganji moNjambe mojɔ bo ’bo badi na lipanga.


Bodi bobala bo, isa Njambe, nongo apalaka yo boneja kɛlɛ ende na bojebeja so bo adi na ndangasa, adi oko na lingbangba lmɛnɛ ai baya bamokejaka kɛlɛ, baya babwani oko na likundu linde?


Ibo baibotama nongo na makia, isa na bolulea bomokuku, isa na bolulea bomoto; babotama oko na Njambe.


Mojɔ bo balɛngɛkɛ bato baya bapakiti bɔtɔnɔ na bato balaboake; babalɛngɛkɛ na ngando jibosambolu na jilisɔngi, oko na bibalabala bingasa biegbo.


Miso mabu malumi na bɔɔli na posa ebobe. Milema Mibu milandoi na mbengia, na balɛngɛkɛ bato baya baditi bambilimake. Badi bana bamasingi.


Ibaya badi na posa elikonja bakwaka a ndingea, na bataka elambo, na balaboaka na posa jibe jingasa jia jidindejaka bato a bogwa na bodimoa.


Misɔnɔ ko minejaka bo bato basusu badi cina ebobe, bo baya bajimaka basɛ njikano, oko na ejimeli ai Yesu Masiya.


A mojɔ momina, Njambe abakinea a bosɛtɔ bomilema mibu bɛnɛ, bo basambojae mikuku mibu a tei ebu bɛnɛ.


Endele ko, mobeko mosɔneaka mbi no modi moyene, modi mobeko mosoti a tei ende na a tei enu. Cina bo modidi mokɛkɛ anɔe, na bohu bosoti bohoi e dɛye.


Bosoboso yo akina makota masusu bo badale a njea jipalaka bo.


Bapakano bapeliti Mibeko; endele ko bakɔkɔ ngando jibekeaka Mibeko na bolɛ bobu bɛnɛ; oko boa, nongo adi bo pɛ Mibeko, badi na Mibeko a tei ebu.


Oko boa, bolongi edɛye a mojɔ momakia mande, na yo mɛnɛ adi boheleja so na soti a kɛlɛ eNjambe.


Isa bogwa boMwana ’Njambe bodaka mokongo mobosiili bosu na Njambe, yana adaka so na Njambe soki; esingaiti bomɔ bonde! Adi so na bosiili bomina, bomɔ bonde bodi boheleja so.


Ino odakani na lipɔlɛ ai yo; odakani na nde soki a milema minu, bato babikɔmɛli bibe.


Baninga, botapalaka bo odaeni a libumi a mojɔ mobato baya bagwa. Obwanitini bobayea o akɔkɔ bato batongo baya bapeliti nongo njingo.


Oko boa bobwaniti bohwɛ hiɔ o akɔkɔ bakwa; bobwani boda oko misu bo bosɛnjɛle.


Swiv nou:

Piblisite


Piblisite