Baɛpɛsɔ 2:16 - Nouveau Testament en Ngombe 1961

¹⁶ Akɔ boa bo akatanejae so babae na Njambe, o mokuku momɔci a mojɔ momole-mobokea. Oko boa asieja lisoki limina.

Baɛpɛsɔ 2:16 Referans Kwoze

Baloma 5:10

Isa bogwa boMwana ’Njambe bodaka mokongo mobosiili bosu na Njambe, yana adaka so na Njambe soki; esingaiti bomɔ bonde! Adi so na bosiili bomina, bomɔ bonde bodi boheleja so.

Bakɔlɔsai 2:14

Ahakoa mokanda momijɔ mia midaka o nongo jisu, na aseja mojɔ momina; aebakea a mole-mobokea monde na kala.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

Baloma 8:7

Mojɔ bo molema mua mosusaka njea emunu modi na Njambe soki; motasumaka Mibeko miNjambe mojɔ bo moditi na ngulu a bokɔ boa.

Baloma 6:6

Bojebaka bo moto osu moyou abakeama na nde a mole-mo-bokea, bo mokuku mobobe mogwɛ, na a bocingoa so a libuli libobe.

1 Bakolinto 10:17

Molɛmbɛ modi momɔci; oko boa, nongo adi so banɛnɛ, bodi oko mokuku momɔci, mojɔ bo so basusu bosɔkɔ libondo limolɛmbɛ momɔci.

Baɛpɛsɔ 3:6

Cina emina edi bo bapakano badi basangoli pongono; badi binama bimokuku momɔci, na basangoaka njikano yena edi a tei eYesu Masiya a mojɔ moMwako Mopele.

Baɛpɛsɔ 4:4

Mokuku modi momɔci pɛ, na Mwembo modi momɔci pɛ, mojɔ bo obeamani a njingo emɔci yana abeama no.

Bakɔlɔsai 3:15

Kinani bowi boMasiya bodae na bokumu a milema minu; obeamani bo odaeni mokuku momɔci oko a mojɔ momina. Dani koko na bosakoa.