Baɛpɛsɔ 2:15 - Nouveau Testament en Ngombe 1961

¹⁵ Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Baɛpɛsɔ 2:15 Referans Kwoze

Bakɔlɔsai 2:14

Ahakoa mokanda momijɔ mia midaka o nongo jisu, na aseja mojɔ momina; aebakea a mole-mobokea monde na kala.

Bagalata 3:10

Bato basusu baya bajimaka oko bilomu biMibeko badi cina jinakeja. Mojɔ bo mosɔnɔmɔ bo, Moto amiti suma ngando jisusu jia jisɔnɔmɔ a mokanda moMibeko adi cina jinakeja.

Baebele 8:13

Abalaka yo a mojɔ moMokongo moyene, anjaka mua moboso o eka yena editi koko na cina. Na isa eka editi koko na cina, na isa ebengi bogwa, edikai mweka pɛ bo edimoe na bosusu.

Bakɔlɔsai 3:10

na olwani moto moyene yona odi na elimo eyene, oko elimo ende yona omoyoa a mojɔ moejebeli ende.

Bakɔlɔsai 2:20

Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Bagalata 6:15

Bolena boganda, isa bodi isa boditi, bodi mojɔ mongasa; mojɔ momɔci mua mobwani modi oko moto moyene.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

Baɛpɛsɔ 4:16

Edi oko a mojɔ monde na bokatana bongulu ende, bo mokuku mosusu mocingami o eyoeli emɔci, na mopingi na macinga masusu; elomu ebinama bisusu epingejaka mokuku bo mokandoe na mosapingejae na epaeli.

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

Baebele 7:16

yona odi nganga na ngulu ebomɔ bua bodi na bosusu, te nongo na kpaci emokina mobeko a mojɔ mombota ende.

Baebele 9:23

Isa leka lua lodaka oko bimbete bingando jiDiko losɛnoa a mojɔ momasiko mamina, ngando jiDiko mɛnɛ jibwana na masiko maya manɔi masiko mamina na bopele.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 2:14

Mojɔ bo yo adi mokongo mosu mobosiili. Iyo akataneja so baya badaka babae bo bodae oko omɔci pɛ, na abuka ngbungbu ebobɔteja a tei esu.

Baɛpɛsɔ 2:16

Akɔ boa bo akatanejae so babae na Njambe, o mokuku momɔci a mojɔ momole-mobokea. Oko boa asieja lisoki limina.

Bakɔlɔsai 3:11

A eyoeli emina, bato baditi BaEla isa BaYuda, bato babolena-ganda isa pɛ bolena-ganda, isa bato babohali, isa BaSukutea, isa babuli, isa basɔmi; mojɔ mosusu modi Masiya a tei ebato basusu.

Bakɔlɔsai 3:15

Kinani bowi boMasiya bodae na bokumu a milema minu; obeamani bo odaeni mokuku momɔci oko a mojɔ momina. Dani koko na bosakoa.