Bakɔlɔsai 3:4 - Nouveau Testament en Ngombe 1961

⁴ Masiya adi bomɔ bosu; iyo akamana a bohu ino ômanani na nde Pongono a ekumu.

Bakɔlɔsai 3:4 Referans Kwoze

Yoane 11:25

Yesu abala na nde bo, Mbi nadi Bongɔ, nadi koko Bomɔ. Iyona ojimeaka mbi âda koko na bomɔ, nongo akada mogwake.

1 Yoane 3:2

Baninga, so bodi bana baNjambe oko e dɛye. Bojebakini elimo esu engɔngɔ; endele ko, bojebaka bo yo akadoa a bohu, so bodabí na elimo ende, mojɔ bo bodi bomonɛ o adi yo.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

1 Pɛtɛlo 1:13

A mojɔ momina, toma ngbimejani bocingea bonu; sangbi-ndeani; kinani njingo enu esusu edae a monganji moNjambe mua modoabi ai no yana aboloabi Masiya.

Bafilipoi 3:21

Iyo adi bokindoja mokuku mosu monase, bo modae na elimo emokuku monde mɛnɛ moekumu, oko na ngulu yena edi ai yo a bogbokeja ngando jisusu.

Yoane 17:24

Sesa, posa embi edi oko bo baya bapani wɛ badae na mbi a esika edi mbi, bo banje ekumu embi, oko ekumu epani wɛ; mojɔ bo odaka na mbi ngɛnjɔ oko ngondo epetakini yoama.

1 Pɛtɛlo 5:4

Na Mobanei Monɛnɛ akadoa, ôsɔni corona eekumu yena etagwa.

1 Yoane 2:28

E dɛye, bana bambi, yeyoani a tei ende. Oko boa, yo akamana, bodi bo’ma a boso bonde na eci, te nongo na sɔni.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Boboloja 22:14

Bojongoa ai bato baya basosaka bisenja bibu, bo badae na njea ebodoa a mole mobomɔ, na njea ebokwea a midipe mingando.

1 Bakolinto 15:43

Mo puseamaka, pɛpɛ nongo ekumu; modi bongɔ na ekumu. Mopuseamaka eka eyɛmbu, modi bongɔ oko na ndangasa.

Boboloja 22:1

Anejani koko dua emadiba mabomɔ ekamane a ngɛndɛ eNjambe na eMwana-Bata; madaka na bosangesange bota-latala, na makɛlɛkɛ a ndanda elicilinga lingando.

Yuda 1:24

Iyo adi na ngulu a bobanea no bo otakwani, na a bomeja no, pɛpɛ nongo litɔnɔ, a boso boekumu ende na sepi;

1 Yoane 5:12

Moto yona odi na Mwana a tei ende adi na bomɔ. Yona ko opeliti Mwana apeliti bomɔ.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Matayo 13:43

A ehole emina ko, bato babodongo badabi na bohu bomodika-busa a Bokumu boSangwa’mbi. Yona odi na matoi manjoki, yɛ ahokee.

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

2 Bakolinto 4:17

Monɔngɔ mosu mokɛkɛlɛkɛ mua moditi boyeyoa, mosɛlingoaka ekumu enɛnɛ mɛnɛ a mojɔ mosu, ekumu yena edi boyeyoa oko na bosusu.

Yoane 14:6

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yoane 14:3

Nakakɛ a bosɛlingoa esika a mojɔ monu, nâhula koko bo nasɛ no ai mbi, bo odaeni oko a esika edi mbi mɛnɛ.

2 Timoteo 1:1

Mbi Paulo, obwɛnji oMasiya Yesu cina ebolulea boNjambe, a mojɔ mosako ebomɔ bua bodi a tei eMasiya Yesu, ai Timoteo, mwana’mbi oepaeli

1 Batɛsalɔnike 4:17

Ngɔngɔ jibu, so baya bâdika mɔ, bôtombama na bu a ehole emɔci a tei ebiyembi, bo bolenoane Kumu oho ta busa, na bôda na Kumu boa oko na bosusu mɛnɛ.

1 Bakolinto 1:7

A mojɔ momina, pɛpɛ nongo ekina epeeli eMwembo ebwani botaka na nu. Ombakani oko bodoa boKumu osu Yesu Masiya.

Yoane 20:31

Ibi ko bisɔnɔmi bo ojimeni bo Yesu adi Masiya, Mwana oNjambe, na bo odaeni na bomɔ a kombe ende, oko a mojɔ moejimeli.

Boboloja 2:7

Isa moto adi na matoi, yɛ ahokee mojɔ mobalaka Mwembo na Menga maMasiya. Moto akagbokeja, mbi nâmopa mbuma jimole-mobomɔ mua modi a Paladiso eNjambe bo ayake.

1 Timoteo 6:14

bo osume mobeko, bo moda mowɛ motada na litɔnɔ, pɛpɛ nongo mojɔ, oko a bodoa boKumu osu Yesu Masiya.

Bikɔmɛli 3:15

Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina.

Luka 17:30

Modi boda koko boa a busa bôboloa Mwana ’Moto.

Baloma 8:18

Mbi najimaka bo minɔngɔ miehole ye, na ekumu yena êboloa ai so ngɔngɔ, misangiti nongo mweka.

Baloma 8:19

Mojɔ bo ngondo esusu embaka na tɛndɛ bo bana baNjambe baboloe.