Bakɔlɔsai 3:1 - Nouveau Testament en Ngombe 1961

¹ Ino, isa ongɔini na Masiya a bogwa, dukani ngando jidiko, a esika edi Masiya a ebɔ ebami eNjambe.

Bakɔlɔsai 3:1 Referans Kwoze

Baloma 8:6

Molema momoto mokasusa njea emunu, suka edi oko bogwa; molema ko mokasusa njea eMwembo, njea emina edi njea ebomɔ na bowi.

Matayo 6:33

Ino, peta dukani Bokumu boNjambe na bodongo bonde, nongo osɛni leka lu losusu pongono.

2 Bakolinto 4:18

Mojɔ bo, iso botanjaka ngando jinɛkɛ bato na miso; bonjaka oko ngando jia jibwaniti bo’nɛmɛ. Ngando jinɛkɛ bato na miso jitayeyoa nongo. Ngando ko jidi so pɛ bonɛ na miso, jiyeyoaka na bosusu.

Bakɔlɔsai 3:2

Bakeani milema minu a ngando jidiko, te a ngando jinase.

Matayo 6:20

Kinani leka lonu loyumu lohɛe oko oho Diko; lotabeha nongo na sɛ oho, na babi batalusa nongo a boba.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Luka 12:33

Ingɛjɛni leka lonu; kɔni matɔngi malikonja a mojɔ monu maya matagwa; sɛlingoani likonja liyumu oho Diko lia litasia nongo, mojɔ bo mobi atabatama oho, na mosokoto pɛ bobeja.

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Luka 22:69

Endele ko, donga oko a busa bu, Mwana ’Moto âda a ebɔ ebami endangasa eNjambe.

Bakɔlɔsai 2:20

Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Baebele 8:1

Cina engando jimi so bala edi bo, Iso bodi na Nganga Monɛnɛ o boa, yona odi a ebɔ ebami emongbelɛngɔ moKumu oDiko.

Baloma 8:34

Odi bodumba nda? Oko Masiya yona ogwa, yona ongɔ a bogwa, na adi edɛye a ebɔ ebami eNjambe, na angɔɔnɔkɔ amojɔ mosu.

Baebele 10:12

Masiya ko, ama yo pa lisiko limɔci lia libwani na bosusu mɛnɛ, ami da oko a ebɔ ebami eNjambe,

Matayo 26:64

Yesu amosɔmbeja bo, O abali wɛ. Mbi ko natɔndɔkɔ no bo odini bonɛ Mwana ’Moto na mobondo a dɔngɔ diebɔ ebami eNdangasa, na akadoe a diko dibiyembi biDiko.

Baɛpɛsɔ 4:10

Yona osoloa, adi oko yo yona okɛ diko, na anɔ busa mɛnɛ, bo alumejae ngando jisusu.

Malako 14:62

Yesu amosɔmbeja bo, Mbi nadi yo. Ino ônɛni Mwana ’Moto akadae a ebɔ ebami endangasa eNjambe, na akadoe na biyembi biDiko.

Baebele 1:13

Iyo ko abala na okina obwɛnji-oDiko bo? Da ya a ebɔ embi ebami Bo mbi nadumbe soki jiwɛ o ebakei ebibota biwɛ.

Bikɔmɛli 2:34

Mojɔ bo Dawidi aikwea a Diko yo mɛnɛ. Iyo ko abala bo, Kumu abali na Kumu ombi bo, Da ya a ebɔ embi ebami,

Luka 20:42

Dawidi yo mɛnɛ abalaka a mokanda moNjambe bo, Kumu abali na Kumu ombi bo, Da a ebɔ embi ebami,

Malako 16:19

Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe.

Malako 12:36

Mwembo Mosɛnɔke mobaleja Dawidi yo mɛnɛ, yana abala yo bo, Kumu abali na Kumu ombi bo, Da a ebɔ embi ebami, Oko a ehole êdumba mbi soki jiwɛ A cina jibibota biwɛ.

1 Pɛtɛlo 3:22

Iyo akɛ oho Diko, na adi a ebɔ ebami eNjambe; na babwɛnji baDiko na bakumu na bato bakpaci bamosumaka.

Bikɔmɛli 7:55

Sɛtɛpano ko aluma na Mwembo Mosɛnɔke, akahoa miso diko, anɛ ekumu eNjamhe, na anɛ Yesu yona odaka ami mema a ebɔ ebami eNjambe.

Matayo 22:44

Kumu abali na Kumu ombi bo, Da ya a ebɔ embi ebami, Oko a ehole êdumba mbi soki jiwɛ a cina jibibota biwɛ.

Baɛpɛsɔ 5:22

Ino bali, dani na lisuma ai bami banu, o asumaka no Kumu.