Bakɔlɔsai 1:23 - Nouveau Testament en Ngombe 1961

²³ okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Bakɔlɔsai 1:23 Referans Kwoze

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

Baebele 3:6

Masiya ko adaka na lisuma limwana a ndako eNjambe. Ndako emina edi oko so, bokapea boku oko a suka ejimeli esu, na njingo esu yena edi ekumu esu.

Baebele 10:38

Moto ombi obodongo adi bohela oko na ejimeli. Akasɔmbɔ mandulendule ko, molema mombi motasepa na nde.

Bagalata 6:9

Ebɔngiti bo bongwae bilomu bipele; mojɔ bo, bomiti ’ngwa, ehole ekahwana, iso bodi bojua.

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Baloma 10:18

Mbi ko nahɔjɔkɔ bo, Baika? Ee, baka soti. Ngondo esusu eka kɔpi ebu; Mwako mobu momea oko a suka engondo.

Baebele 6:19

Iso bopeli njingo emina o longo emwembo, njingo esoti na embilimake yena ekweaka a dɔngɔ ditongo diehuako.

1 Batɛsalɔnike 3:5

A mojɔ momina, naihɔnɔ bo’mba koko, na naloma bo najebe mojɔ moejimeli enu. Nadaka na mokakwano bo Momeki asaka meka no, na elomu esu esaka nama.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

Bikɔmɛli 2:5

BaYuda baya badaka na lisuma ai Njambe badaka a Yelusalema a masu mamina, baya bama donga a makota masusu mangondo.

Boboloja 2:10

Boditigoa bokɛkɛ adoe ai wɛ. Yɛ bobanga ko. Hokeani; Satana akɛkɛ adumbe bakina banu a blɔkɔ a bomeka no, na ôdani na monɔngɔ masu domi. Da ko na lingbangba oko a bogwa, na mbi nâpa wɛ likongo libomɔ.

Bakɔlɔsai 1:25

Mojɔ bo nadi mokɔmɛli oDenga cina ekpaci esɔ mbi ai Njambe a mojɔ monu, bo natɔndɔe Mwako moNjambe kanga mosusu mɛnɛ,

Yoane 15:6

Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka.

Luka 22:32

Mbi ko nangɔɔni a mojɔ mowɛ, bo ejimeli ewɛ etambɛ. Na okahekoa koko ai mbi, toma mbilimeja baninga bawɛ.

1 Pɛtɛlo 1:3

Ekumu ai Njambe Sange ’Kumu osu Yesu Masiya. Edi oko a mojɔ momonganji monde monɛnɛ bo so bobotama koko a boda na njingo ebomɔ, ema ebongɔ boYesu Masiya a bogwa,

Baebele 4:14

Adi so ko na Nganga Monɛnɛ yona onɔi oho Diko, oko Yesu Mwana ’Njambe, kwani bopee boku ejimeli esu.

Bakɔlɔsai 2:7

Kinani njeli jinu jidae a tei ende; dani bambilimake a diko dieyoeli ecina yena edi a tei ende, o asɔ no bokoja; dani koko na bosakoa bonɛnɛ ai Njambe.

Bagalata 5:7

Ino opotakani mbango bopele boso; ombɛjɛi no nda bo otasumani mwako mosoti?

2 Bakolinto 6:1

Akɔkɔ so elomu na Njambe yo mɛnɛ, bongɔɔnɔkɔ no bo otasɔni monganji moNjambe esɔ’sɔ.

Malako 16:15

Abala na bu koko bo, Kɛni a ngondo esusu; tɔndɔni bato basusu boya Mwâko Mopele.

1 Yoane 2:27

Bosopea ko bosɔ nb ai yo boyeyoaka na nu. Mojɔ mua motakaka na nu moditi bo okina otongo akojae no, mojɔ bo bosopea bonde bokojaka no a mojɔ mongando jisusu. Bosopea bomina bodi soti mɛnɛ, te nongo bokosea. A mojɔ momina, yeyoani a tei ende, o akoa no na bosopea bomina.

1 Pɛtɛlo 1:5

Njambe abaneaka no na ngulu ende cina eejimeli, a mojɔ momohelo mosɛlingoa yo, mua modi boboloa a bohu a ehole esuka.

Tito 3:7

bo bolonge cina emo-nganji monde, na bo bodae basangoli babomɔ bua bodi na bosusu o adi so na njingo.

1 Timoteo 2:7

A mojɔ momina, mbi nahɔmɔ bo nadae motɔndɔi na obwɛnji (naba-laka na soti mɛnɛ, te nongo na bokosea) na a bokoja bapakano ejimeli na Soti.

1 Timoteo 1:12

Mbi nasakoaka Masiya Yesu Kumu osu yona opani ngulu, mojɔ bo yo ajima bo nadi na lisuma, na ahɔ mbi a mojɔ moelomu ende;

2 Batɛsalɔnike 2:16

Yɛ Kumu osu Yesu Masiya yo mɛnɛ, na Njambe Sangwa’su, yona opala so na opa so bogɔmbeja bua bodi na bosusu, na njingo epele oko na monganji monde. Yɛ agɔmbejae milema minu na ambihmejae no a bilomu bisusu bipele, na bikenge bisusu bipele.

1 Batɛsalɔnike 5:8

Iso ko, bato babohu, bobwani bosɛnjɛlɛ na bolwa ebende ebupa, yena edi ejimeli na epaeli, na kɛsike eebende a molo, yena edi njingo ebohela.

1 Batɛsalɔnike 3:3

bo pɛpɛ nongo okina onu ombɛ a mojɔ mominɔngɔ mi. Ojebakani no bɛnɛ bo minɔngɔ midi oko libondo lisu.

Baɛpɛsɔ 4:16

Edi oko a mojɔ monde na bokatana bongulu ende, bo mokuku mosusu mocingami o eyoeli emɔci, na mopingi na macinga masusu; elomu ebinama bisusu epingejaka mokuku bo mokandoe na mosapingejae na epaeli.

Baɛpɛsɔ 2:21

Eyoeli esusu ekatani a tei ende, na eyoamaka bo edae tempelo esɛnɔke a tei eKumu.

Bagalata 5:5

Mojɔ bo njingo elilonga lisu edi oko na Mwembo, na licingi oko na ejimeli.

Bagalata 4:11

Mbi nadi na mokakwano isa elomu embi a tei enu enami oko bonama.

2 Bakolinto 11:23

Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

1 Bakolinto 3:5

Apolo adi nda? Paulo adi nda? Badi oko bakɔmɛli baNjambe a bojimeja no, mojɔ bo Kumu apaka moto na moto elomu ende.

Baloma 15:16

bo nadae mokɔmɛli oMasiya Yesu a tei ebapakano, a elomu eMwako Mopele moNjambe. Oko boa bapakano bâda epeeli ebwanake, epeeli esɛnɔke, a mojɔ moMwembo Mosɛnɔke.

Baloma 5:5

Njingo etakputoa nongo, mojɔ bo ngɛnjɔ eNjambe esopei a tei emilema misu, oko na Mwembo Mosɛnɔke mosɔ so.

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

Bikɔmɛli 26:16

Angɔ ko; ima mema. Mbi nadoi ai wɛ, bo nahɔe wɛ mokɔmɛli na motati ongando jini wɛ na jîneja mbi wɛ ngɔngɔ.

Bikɔmɛli 20:24

Mhi ko nalɛkɛ bo mohelo mombi modi eka engasa mɛnɛ; moditi nongo na yumu a miso mambi. Posa embi edi oko bo namee a suka enjea embi, bo nasiejae elomu esɔ mbi ai Kumu Yesu, elomu ebotɔndɔ Mwako Mopele momonganji moNjambe.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 4:12

Pɛpɛ nongo okina otongo odi boheleja; mojɔ bo botahela nongo na ekina kombe etongo a tei ebato ya nase, oko kombe emina pɛ.

Bikɔmɛli 1:25

bo asangoe elomu eobwɛnji ekina Yuda yana akɛ yo a esika ende.

Bikɔmɛli 1:17

Mojɔ bo adaka okina osu, na aci-ngamaka na su a elomu ye.

Luka 6:48

Adi o moto yona opika ndako; alonga mombɔndɔ na ndinda, na ayoa eyoeli ecina a diko dilitai. Yana apetoa pela, mopimbola molakimea ndako emina, na moibwana boebuka, mojɔ bo edaka embilimake.

2 Bakolinto 4:1

Oko boa, adi so na elomu ye a mojɔ momonganji moNjambe, botangwa.

Bikɔmɛli 1:8

Ino ko ôsɔni ngulu yana âdoa Mwembo Mosɛnɔke ai no. Na ôdani batati bambi a Yelusalema, a likota lisusu liYuda, a Samalia, oko a suka engondo.

2 Bakolinto 10:1

Mbi Paulo, nakada a tei enu, nadi o moto-ngasa, bohali ko ko nadi na bogale; mbi nangɔɔnɔkɔ no na bowi na boyɛmbu boMasiya.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.