16 A mojɔ momina, mbi nâbunja wɛ a monɔkɔ mombi, cina bo odi oko na bodu, pɛpɛ pio, pɛpɛ mosa.
Toma lɛ esika ekwi wɛ; hekoja molema mowɛ; kɔ bilomu biboso. Omiti kɔ boa, omiti hekoja molema mowɛ, mbi nadi bodoa ai wɛ, na nâdongeja paka ewɛ.
Mbi najebaka bikɔmɛli biwɛ. Najebaka bo oditi nongo na pio isa na mosa. Akɔki wɛ da na pio isa na mosa, bopele.
Obalaka bo, Mbi nadi konji; nakonji makonja manɛnɛ; pɛpɛ nongo eka etakaka na mbi. Otajebaka bo odi na esɔpi, na eduku, na bopu, na miso magwake, na bo odi mbundu.