Boboloja 2:3 - Nouveau Testament en Ngombe 1961

³ Najebaka bo odi na lingbangba a mojɔ mokombe embi; ohɔnɔkɔ muna momina na otangwaka.

Boboloja 2:3 Referans Kwoze

Baebele 10:36

Etakaka na nu oko lingbangba bo okɔeni bolulea boNjambe, na bo osɛni mua modikeja yo.

Baebele 12:1

Lindundu linɛnɛ libatati lihikaka so. A mojɔ momina, bopele bo bodumbe mina misusu mitombaka so, na bobe bua bobindanejaka so, bo bopote na lingbangba a njea yena edi a boso bosu.

Bagalata 6:9

Ebɔngiti bo bongwae bilomu bipele; mojɔ bo, bomiti ’ngwa, ehole ekahwana, iso bodi bojua.

Bakɔlɔsai 1:11

Yɛ ngulu ende yena enɔi, epingejae no na ngulu esusu, bo ohɔneni mijɔ misusu na lingbangba, na eci, na sepi pongono.

Yoane 15:21

Ibo ko bâkɔ ngando ji jisusu ai no a mojɔ mokombe embi, ema bo batajebaka yona olomani.

1 Bakolinto 13:7

Epaeli ehɔnɔkɔ ngando jisusu; ejimaka ngando jisusu; edi na njingo a tei engando jisusu, na edi na lingbangba a tei engando jisusu.

Boboloja 3:10

Ehole ebomeka ekɛkɛ adoe a ngondo esusu a bomeka bato bangondo. Mbi ko nadi bobanea wɛ a ehole emina, mojɔ bo obanea ebaeli embi na lingbangba.

Baebele 6:15

Oko boa, Abalayama, ama yo da na lingbangba, ami ko sɔ oko bodikeja.

Baebele 6:12

PƐ bodani na bomɛli. Ikoanani ko na bato baya basangoaka njikano cina eejimeli na lingbangba.

Baebele 6:10

Mojɔ bo Njambe t’abungake mojɔ; atabosa elomu enu, na epaeli enejaka no a kombe ende yana akɔmɛkɛ no bato baNjambe, na obakɔmɛkɛni oko e dɛye.

1 Timoteo 4:10

A mojɔ momina so bokɔkɔ elomu na bosamboaka, cina bo njingo esu edi ai Njambe obomɔ, yona odi Moheleja obato boya, gbo oko baya bajimaka.

2 Batɛsalɔnike 3:13

Ino ko baninga, t’ongwaeni oko bikɔmɛli bipele.

2 Bakolinto 4:16

A mojɔ momina, bota’ngwa nongo. Isa moto osu osokolu agwaka, moto yona odi a tei asɔkɔ ngulu eyene busa na busa.

2 Bakolinto 4:1

Oko boa, adi so na elomu ye a mojɔ momonganji moNjambe, botangwa.

Baloma 12:12

Kinani njingo enu esepejae no. Dani na lingbangba a tei emonɔngɔ. T’ongwaeni oko bo’nga.

Baloma 8:25

Bokada na njingo ko a mojɔ moeka edi so pɛ bonɛ, bombaka eka emina na lingbangba.

Luka 14:27

Moto amiti tomba mole-mobokea monde a bocingama na mbi, atabɔngɔ bo adae mocingami ombi.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

Mokanda Momibae Mosɔnɔ Pɛtɛlo - 2PE 1:6

bosa-ngbindea a ejebeli, lingbangba a bosangbindea, lisuma a lingbangba,

1 Batɛsalɔnike 1:3

Mojɔ bo bolɛkɛ elomu eejimeli enu, elomu enu eepaeli, na njingo enu yena etambɛkɛ, ai Kumu osu Yesu Masiya, a boso boNjambe Sangwa’su.

2 Bakolinto 11:23

Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

2 Bakolinto 5:9

A mojɔ momina, bodukaka njea bo bomosepejae, isa a mokuku mu, isa oho.

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

Luka 18:1

Yesu abala na bu mokina mondɛ. Cina emondɛ momina edi bo bato babwani bonga bihole bisusu, pɛ nongo bongwa.

Luka 8:15

Ijia jikwa a kpɔtɔ jipelejidi oko baya bakaka na babaneaka ebaeli a milema mipele mibowi. Ibo badi na lingbangba, na babotaka mbuma.

Baebele 13:13

A mojɔ momina, atombaka so muna mobiloli a mojɔ monde, kinani bomane ai yo a sokolu engando.

1 Timoteo 5:17

Bato babwani boda na lisuma linɛnɛ ai basuku baDenga baya bakɔkɔ elomu epele, gbo oko ai baya badi na elomu ebotɔndɔ Mwako Mopele, na ebokoja.

2 Batɛsalɔnike 3:8

Boiyaka molɛmbɛ momoto ngasa. Bokɔ elomu na bulu na moi, elomu epipo emidungu, bo botada nongo muna ai no.

2 Batɛsalɔnike 3:5

Yɛ Kumu adalejae milema minu a njea engɛnjɔ eNjambe, na a lingbangba liMasiya.

1 Batɛsalɔnike 2:9

Baninga, otabosakani elomu na monɔngɔ mosu. Yana atɔndɔkɔ so Mwako Mopele moNjambe a tei enu, bokɔkɔ elomu mabulu na mei bo botada nongo muna ai no.

Bafilipoi 4:3

Na nangaka wɛ pongono, wɛ limbaci limbi a elomu, bo okɔmejae bali bamina, mojɔ bo bakɔ elomu eMwako Mopele a dɔngɔ dimbi, ibo na Kelemento na bina’mbi batongo baya badi na kombe jibu a mokanda mobomɔ.

Bafilipoi 2:16

Peani Ebaeli ebomɔ oko boku. Oko boa mbi nadi bosepa a busa boMasiya bo naipota epotapota, na bo naikɔ elomu ekɔkɔ.

Bagalata 6:2

Kamoanani mina, moto na moto akamoe muna momina’nde; oko boa odini bosuma Mibeko miMasiya.

2 Bakolinto 10:15

Botasakumejaka ngasa; bota-sakumejaka a mojɔ mobilomu bibato batongo; na ejimeli enu ekahɛ, njingo esu edi bo mwei moelomu esu a tei enu modi bokɛ bohali mɛnɛ,

2 Bakolinto 6:5

na nji, na blɔkɔ, na bigbomegbome, na bilomu, na taka ehiɔ, na nja,

Baloma 16:12

Abɛjɛni Tulupaina na Tuluposa; badi bakɔmɛli baKumu. Abɛjɛni Pelesida, mwali oepaeli yona okɔkɔ elomu enɛnɛ a mojɔ moKumu.

Luka 21:19

Okadani na lingbangba ôhelejani miembo minu.

Malako 15:21

Simona oKulene, sange eAlesandele na Lupu, adaka a njea elihule a esika, na akanɔe a ehole emina. Oko boa, bamopea bo asonge mole-mobokea moYesu.

1 Batɛsalɔnike 5:12

Iso bongɔɔnɔkɔ no baninga bo odaeni na lisuma ai bato baya bakɔkɔ elomu a tei enu, baya badi basuku banu a tei eKumu na balehaka no.

1 Bakolinto 16:16

Mbi nalehaka no baninga bo odaeni na lisuma ai bato baya badi na ekɔmɛli emina, na bato basusu baya babakɔmejaka, na baya bakɔkɔ elomu eNjambe.

Luka 5:5

Simona amosɔmbeja bo, Moswa’mbi, so bodukaki na bulu bosusu oko na edukea pɛ; pɛ mojɔ, mbi nadi bodumba bikoto a mojɔ moekenge ewɛ.