Boboloja 19:10 - Nouveau Testament en Ngombe 1961

¹⁰ Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Boboloja 19:10 Referans Kwoze

Yoane 5:39

Odukakani a Misɔnɔ mojɔ bo olɛkɛni bo obolojaeni bomɔ bua bodi na bosusu a tei eMisɔnɔ. Misɔnɔ ko mibalaka a mojɔ mombi a bohu.

Baebele 1:14

Babwɛnji-baDiko basusu baditi miembo Mibokɔmeja? Abalomaka bo bakɔmɛe basangoli bamobelo.

Boboloja 4:10

Akɔkɔ bo boa, basuku licinda-na-banɛi basadumbaka a boso bonde yona odi a ngɛndɛ, bo bamosakoe yona odi na bomɔ oko na bosusu; badu-mbaka makongo mabu a boso bongɛndɛ na bambaka yembo bo,

Boboloja 12:17

Dalakona akɛnjɔ na mwali bou mɛnɛ, na akɛ a bona bila na bana bande batongo baya basumaka mibeko mi-Njambe, na baya batataka tati ai Yesu.

Boboloja 12:11

Bamogbokejai a mojɔ momakia maMwana-Bata na a mojɔ moebaeli etati ebu, cina bo baijuma bopa mihelo Mibu, pɛ bobanga bogwa.

1 Yoane 5:10

Moto yona ojimaka Mwana ’Njambe adi na tati emina a tei ende mɛnɛ. Moto yona odi pɛ bojima Njambe, akɔkɔ Njambe mokosei, mojɔ bo atajimaka tati etataka Njambe ai Mwana’nde.

Baebele 12:25

Nganjamani, osaka lonani boka yona obalaka. Mojɔ bo, isa bato baihela baya balona boka yona obaleha ya nase, esingaiti so, boka-sɛtoja yona obalaka oho Diko; iso bohela na ye?

Matayo 4:10

Yesu abala na nde bo, Satana, donga ya; mojɔ bo mosɔnɔmɔ bo, Toma sakoa Kumu Njambe owɛ; Toma kɔme oko yo pɛ.

Boboloja 14:7

Abala na kɔpi epipo bo, Bangani Njambe; mokumejani yo, mojɔ bo ehole ende ebosambeja emei. Mosakoani yo, yona oyoa Diko na nase, na madiba-mamukwa, na njiba.

Boboloja 15:4

Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.

Bikɔmɛli 10:43

Batɔndɔi basusu badi batati bande, na batɔndɔkɔ bo moto na moto yona omojimeaka asɔkɔ boyɛ bojibe a kombe ende.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Luka 24:44

Abala na bu bo, Mijɔ mibalaka mbi na nu yana adaka mbi na nu oko mimi, bo ngando jisusu jia jisɔnɔmɔ a mojɔ mombi a Mibeko miMose, a mikanda mibatɔndɔi, na mokanda moNjembo, jidi bongama soti.

Luka 1:19

Obwɛnji amosɔmbeja bo, Mbi nadi Gabaliele. Esika embi edi a boso boNjambe. Mbi nalomami a bobala na wɛ, bo natɔndɔe wɛ mwako mu mopele.

Malako 5:22

Okina mosuku osinagoge adoa koko, kombe ende Yailo. Yana anɛ yo Yesu, atita na magbunda a boso bonde.

Bikɔmɛli 13:27

Mojɔ bo, bato baYelusalema na bakumu babu baimombetea, na baicingea mijɔ mibala batɔndɔi mia milangaka bo masu masusu maSabata; na yana amodumba bo, bangameja mijɔ mimina.

1 Yoane 5:21

Bana bambi, inganjamani a mojɔ mobanjambe babokosea.

1 Batɛsalɔnike 5:15

Nganjamani bo moto atasɔmbeja bobe oko na bobe; dukani njea a bokɔ bopele, moto ai mina’nde moto, na ai bato basusu.

Baɛpɛsɔ 5:15

Toma nganjamani a mojɔ momida minu; dani na bopasa, pɛpɛ bogegele.

2 Bakolinto 8:7

Odini na bingi a ngando jisusu, na ejimeli, na bɛtɛ ebobala, na ejebeli, na lingbangba, na epaeli enu ai so; oko boa toma dani na bingi a elomu ye emonganji pongono.

Malako 7:25

Okina mwali yona oka mojɔ monde adoa na asadumba a bibota binde. Mwana’nde mwali adaka na mwembo mobe.

Baɛpɛsɔ 5:33

Oko boa, yɛ moto na moto adae na mwali onde ngɛnjɔ o asapalaka yo mɛnɛ, na mwali adae na lisuma ai muma’nde.

Boboloja 1:1

Ibu bodi boboloja boYesu Masiya. Njambe abomopa bo anejae bakɔmɛli bande ngando jia jidi bodoa bokpa; na yo ajebeja mokɔmɛli onde Yoane mojɔ momina, yana amolomea yo obwɛnji onde.

Boboloja 19:9

Obwɛnji abala koko na mbi bo, Sɔnɔ mojɔ mu; Bojongoa ai bato baya babeami a libonje libolongana boMwana-Bata. Na abala na mbi bo, Bikenge bimina bidi bikenge biNjambe na soti mɛnɛ.