Boboloja 15:4 - Nouveau Testament en Ngombe 1961

⁴ Ee Kumu; odi pɛ bosuma, pɛ bokumeja kombe ewɛ nda? Mojɔ bo, odi mosɛnɔke oko wɛ pɛ. Makota masusu madi bodoa a bosakoa wɛ, Mojɔ bo masambeja mawɛ maboloi a bohu.

Boboloja 15:4 Referans Kwoze

Boboloja 11:15

Obwɛnji osambo ahuea mondule, na kɔpi jibekoa a Diko bo, Bokumu bongondo bodi e dɛye bokumu boKumu osu na Masiya onde. Iyo adi boda Kumu oko na bosusu.

Boboloja 14:7

Abala na kɔpi epipo bo, Bangani Njambe; mokumejani yo, mojɔ bo ehole ende ebosambeja emei. Mosakoani yo, yona oyoa Diko na nase, na madiba-mamukwa, na njiba.

Boboloja 4:8

Bato babomɔ banɛi badaka na mapapulapu masamano-masamano. Badaka na miso botɔ, a sokolu na a tei. Te bakwake bo’mba yembo na bulu na moi bo, Mosɛnɔke! Mosɛnɔke! Mosɛnɔke! Kumu Njambe yona onɔi na ngulu; Yona odaka, yona odi, na yona odabí na bosusu.

1 Pɛtɛlo 1:16

Mosɔnɔmɔ bo, Ino ôdani basɛnɔke, mojɔ bo mbi nadi mosɛnɔke.

Boboloja 16:7

Naka koko litumbu likabale bo, Ee, Kumu Njambe obonɔ, Bisambi biwɛ bibɔngi, bidi bongbebongbe.

Boboloja 19:2

Mojɔ bo yo asambejaka na soti na bongbebongbe. Asambejai mwali obɔɔli yona monɛnɛ, yona obeja ngondo na bɔɔli bonde. Njambe akundi likundu limakia mabakɔmɛli bande.

Baloma 15:9

na bo bapakano bakumejae Njambe a mojɔ momonganji monde. Mosɔnɔmɔ boa bo, A mojɔ momina, mbi nâsakoa wɛ a tei emakota; Nâkumeja kombe ewɛ na njembo.

Boboloja 6:10

Babekoa na kɔpi epipo bo, Ee, Kumu mosɛnɔke osoti, enina êda wɛ pɛ bosambeja bato bangondo, na bokunda likundu a mojɔ momakia masu?

Boboloja 3:7

Sɔnea obwɛnji oDenga diPiladelupia bo, Iyona mosɛnɔke, yona osoti, yona odi na sabe eDawidi, yona odipoaka na pɛpɛ nongo moto odi bodipa, yona odipaka na pɛpɛ nongo moto odi bodipoa, yo abalaka mijɔ mimi.

Boboloja 16:5

Na naka obwɛnji omadiba akabale bo, Ee, wɛ Mosɛnɔke yona odi, na yona odaka, Wɛ olongi na bisambi biwɛ;

Boboloja 19:8

Mojɔ bo asi kpaci bo alwae bisenja bibotɛlɛtɛlɛ bipu bopɛɛ. Bisenja bimina bibotɛlɛtɛlɛ bidi oko bikɔmɛli bibodongo bibasɛnɔke.