Boboloja 15:3 - Nouveau Testament en Ngombe 1961

³ Ibo ba’mbaka yembo eMose mokɔmɛli oNjambe, na yembo eMwana-Bata bo, Ee, Kumu Njambe obonɔ! Bilomu biwɛ bidi binɛnɛnɛ, bidi na bokamoa. Ee, Kumu omakota! Njea jiwɛ jidi jitangboake, njea jisoti.

Boboloja 15:3 Referans Kwoze

Baebele 3:5

Mose adaka na lisuma o mokɔmɛli ondako eNjambe bo atate tati engando jia jibalama oko ngɔngɔ.

Yoane 1:17

Mibeko mibakeama oko na Mose. Yesu Masiya ko adoa na monganji na Soti.

Boboloja 19:2

Mojɔ bo yo asambejaka na soti na bongbebongbe. Asambejai mwali obɔɔli yona monɛnɛ, yona obeja ngondo na bɔɔli bonde. Njambe akundi likundu limakia mabakɔmɛli bande.

Boboloja 14:3

Ba’mba yembo eyene a boso bongɛndɛ, na a boso bobasuku, na a boso bobato babomɔ banɛi. Pɛpɛ nongo okina otongo obwana bokoa yembo emina, oko bato bamina, bato koto mokama domi-inɛi-na-inɛi baya bama sikoama a ngondo.

Boboloja 17:14

Badi bona bila na Mwana-Bata, na Mwana-Bata adi bobagbokeja, mojɔ bo yo adi Kumu obakumu, na Koi obaroi; na baya bacingi na nde babeama, babɔmɔ, na badi bato baejimeli.

Boboloja 11:17

na basakoa Njambe bo, Bosakoaka wɛ Kumu Njambe obonɔ, yona odi na yona odaka, Mojɔ bo opei ngulu ewɛ enɛnɛ, na okondi a bokumu bowɛ.

Boboloja 4:8

Bato babomɔ banɛi badaka na mapapulapu masamano-masamano. Badaka na miso botɔ, a sokolu na a tei. Te bakwake bo’mba yembo na bulu na moi bo, Mosɛnɔke! Mosɛnɔke! Mosɛnɔke! Kumu Njambe yona onɔi na ngulu; Yona odaka, yona odi, na yona odabí na bosusu.

Boboloja 19:16

Adaka koko na kombe a kasaka ende na a ebɛ ende bo, Koi obaroi, na Kumu obakumu.

Boboloja 14:8

Okina otongo, obwɛnji obabae adoa, na abala bo, Ekwi! Babilo ekwi, ngando yena enɛnɛ! mwali yona okɔ bo makota masusu malangoe na vino eposa elisɔngi linde.

1 Timoteo 1:17

Ee, ekumu na lisuma ai Kumu yona odi na bosusu, yona oditi na bogwa, yona otaboloaka na miso, yona odi Njambe omɔci pɛ. Amen.

Boboloja 1:8

Kumu Njambe abalaka bo, Mbi nadi Alepa na Omega, yona odi, yona odaka, yona odi na bosusu, yona onɔi basusu.