3 Abekoa na kɔpi epipo o agbomaka gbɔngɔ. Yana abekoa yo, bɛi sambo bagama oko bogama.
Mikalimo, na kɔpi, na bɛi jimana a ngɛndɛ. Mitanda sambo miyoaka a boso bongɛndɛ, mia midi Miembo sambo miNjambe.
Nanɛ koko ekina embete etongo oho Diko, embete enɛnɛ ebokamoa, oko babwɛnji sambo baya bapeli minɔngɔ sambo, minɔngɔ misuka, mojɔ bo kɛnjɔ eNjambe edi bosia na minɔngɔ mimina.
Naka kɔpi ekahule Diko; edaka na molunju moepeela enɛnɛ, o ekɔmɛli ebɛi; kɔpi eka mbi ebwana na doi libato babibumba baya babomaka bibumba bibu.
Obwɛnji omina atomba saani, aelumeja na mosa molitumbu, na amosopa a ngondo. Ngɔngɔ jimina, jidaka oko bɛi, na daka enɛnɛ, na mikalimo, na bojonga bongondo.
Okina obato babomɔ apa babwɛnji sambo kɔpɔ jiwɔlɔ sambo jia jiluma na likundu liNjambe yona odi na bosusu.