Boboloja 1:18 - Nouveau Testament en Ngombe 1961

¹⁸ Mbi nagwa; e dɛye ko nadi mɔ oko na bosusu, na napeli sabe jibogwa na jiesika ebagwake.

Boboloja 1:18 Referans Kwoze

Baloma 6:9

Mojɔ bo bojebaka bo, angɔ Masiya a bogwa, ataya gwa. Bogwa boditi koko na kpaci ai yo.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

Boboloja 3:7

Sɔnea obwɛnji oDenga diPiladelupia bo, Iyona mosɛnɔke, yona osoti, yona odi na sabe eDawidi, yona odipoaka na pɛpɛ nongo moto odi bodipa, yona odipaka na pɛpɛ nongo moto odi bodipoa, yo abalaka mijɔ mimi.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Matayo 16:19

Mbi nadi bopa wɛ sabe jiBokumu boDiko. Okakanda ekina eka ya nase, êda ekandamake oho Diko. Na okacingoa ekina eka ya nase, êda ecingoamake oho Diko.

Boboloja 20:14

Ngɔngɔ jimina, Bogwa na Seolo badumbama a libale limosa; bogwa bomabae oko bu, bua bolibale limosa.

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Boboloja 4:9

Bato babomɔ bakumejaka yona odi a ngɛndɛ, bamosakoaka na bamosepejaka, oko yona odi na bomɔ na bosusu.

Baebele 7:16

yona odi nganga na ngulu ebomɔ bua bodi na bosusu, te nongo na kpaci emokina mobeko a mojɔ mombota ende.

2 Bakolinto 13:4

Iyo agwa a mole-mobokea oko na boyɛmbu; adi mɔ ko a mojɔ mongulu eNjambe. Iso pongono bodi bayɛmbu a tei ende; endele ko, bodi na bomɔ bonde a mojɔ mongulu eNjambe bo bokɔe elomu a tei enu.

Boboloja 9:1

Ohwɛnji obatano ahuea mondule, na mbi nanɛ monjɔtɔ yona omadonga Diko na ami kwa oko a ngondo. Iyo asɔ sabe emo-mbɔndɔ monase,

Yoane 14:19

Ngɔngɔ mweka, ngondo êtanɛ mbi koko. Ino ko ônɛni mbi, mojɔ bo mbi nadi mɔ, na ino odani mɔ pongono.

Bakɔlɔsai 3:3

Mojɔ bo ino odini bagwake, na bomɔ bonu bobombami na Masiya a tei eNjambe.

Boboloja 5:14

Na bato babomɔ banɛi babala bo, Amen. Na basuku basadumba a bosakoa.

Matayo 11:23

Ino Kapalanauma—obakini diko? Pɛpɛ, otitabíni nase oko a Gehena, Nongo Sɔdɔmɔ, akɔkɔ bo nɛ mindumba minɛkɛ no, ka badi oko busa bu.

Luka 24:5

Bali baluluma na bɔ, na basunea maso mabu oko a kpɔtɔ. Bami babahɔjɔ bo, Ino odukakaniyona odi mɔ a esika ebagwake mojɔ moye?

Yoane 11:25

Yesu abala na nde bo, Mbi nadi Bongɔ, nadi koko Bomɔ. Iyona ojimeaka mbi âda koko na bomɔ, nongo akada mogwake.

Boboloja 2:8

Sɔnea obwɛnji oDenga diSemuluna bo, Iyona oboso, yona osuka, yona ogwa na ohela koko, abalaka mijɔ mimi.

Boboloja 6:8

Mbi nanja, na nanɛ punda mopu. Yona odaka abaki a punda adaka na kombe Bogwa, na esika ebagwake edaka ecini na nde ngɔngɔ. Ibo basɔ kpaci a libondo lingondo libanɛi, a boweja bato na abɛnɛ, na linjale, na mogweli moyogo, na tito babila bangondo.

Boboloja 10:6

na abɛlɛ bɛli na yona odi na bomɔ oko na bosusu, yona okɔ Diko na leka losusu lua lodi ena, na ngondo pongono, na leka losusu lua lodi ena, na madiba koko, na leka losusu lua lodi ena. Abɛlɛ bɛli na nde bo ehole ebo’mba esii,

Boboloja 15:7

Okina obato babomɔ apa babwɛnji sambo kɔpɔ jiwɔlɔ sambo jia jiluma na likundu liNjambe yona odi na bosusu.

Boboloja 20:13

Madiba-mamukwa mahuleja bagwake baya badaka ena. Bogwa na Seolo bahuleja koko bagwake baya badaka ena, na basusu basamba a mojɔ mongando jima bo kɔ.