Boboloja 1:1 - Nouveau Testament en Ngombe 1961

¹ Ibu bodi boboloja boYesu Masiya. Njambe abomopa bo anejae bakɔmɛli bande ngando jia jidi bodoa bokpa; na yo ajebeja mokɔmɛli onde Yoane mojɔ momina, yana amolomea yo obwɛnji onde.

Boboloja 1:1 Referans Kwoze

Boboloja 22:16

Mbi Yesu nalomi obwɛnji ombi bo ajebejae no ngando jiji a mojɔ moMenga. Mbi nadi monjeli oDawidi na ombota ende; nadi monjɔtɔ yona odi na eyoeli enɛnɛ a elɔngɔ.

Boboloja 22:6

Abala na mbi bo, Bikenge bimina bidi soti, bitakputoa nongo. Na Kumu, Njambe omiembo na obatɔndɔi, alomi obwɛnji onde bo anejae bakɔmɛli bande ngando jia jidi bodoa ngɔngɔ mweka.

Bagalata 1:12

Naimosɔ ai moto, na moto aikojani Mwako Mopele; edi oko Yesu Masiya yona omoboloja ai mbi.

Baɛpɛsɔ 3:3

Njambe aboloja ai mbi cina emokano monde mua modaka mobombamake, o ami mbi sɔnɔ mweka.

Boboloja 1:19

Oko boa, sɔnɔ mijɔ minɛkɛ wɛ, mia midi e dɛye, na mia midi bodoa ngɔndɔ.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

Yoane 3:32

Iyo anejaka oko ngando jinɛ yo na jika yo; pɛpɛ nongo moto ko ojimaka tati ende.

Yoane 15:15

Te nayake bala na nu o bakɔmɛli, mojɔ bo mokɔmɛli t’ajebake mua mokɔkɔ moswa’nde. Mbi ko nabali na nu o bma’mbi, mojɔ bo najebejai no ngando jisusu jikaki mbi na Sangwa’mbi.

Boboloja 4:1

Yana asia ngando jimina, mbi nanja, na nanɛ bo modipe modi bwase oho Diko. Na kɔpi ema mhi ka boso o ekɔmɛli emondule emi ko bala oko na mbi bo, Doa jɔno diko bo nanejae wɛ ngando jia jikɛkɛ adoe ngɔngɔ.

Yoane 12:49

Mojɔ bo mbi nabaliti na kpaci embi mɛnɛ. Sango yona olomani abekeani bikenge bibobala na botɔndɔ.

Yoane 8:26

Ino odini na mijɔ minɛnɛ; na mbi nabwani bobala na nu na bosambeja no a mojɔ momina. Iyona ko olomani adi yona oSoti; mbi natɔndɔkɔ ngondo oko ngando jiki mbi na nde.

Boboloja 21:2

Na nanɛ ngando yena esɛnɔke, Yelusalema eyene, ekadonge oho Diko ai Njambe, na mosɛlingo momwali-obolongana yona olwa molilo monde a mojɔ momuma’nde.

Baloma 16:25

Okina adi yona obwani bombilimeja no a Mwako Mopele moMasiya motɔndɔkɔ mbi. Mwako momina mobolojaka mojɔ mua modaka mobombamake a bobanga mɛnɛ.

Yoane 17:8

Mbi nabapi bikenge bipani wɛ. Ba’si bikenge bimina; bajebaka na soti bo mbi nadonga ai wɛ, na bajimaka bo wɛ oloma mbi.

Tito 1:1

Mbi Paulo, mobuli oNjambe, na obwɛnji oYesu Masiya a mojɔ moejimeli ebahɔmɔke baNjambe, na ejebeli engando jisoti yena ebwani na ekɔmɛli ebato baNjambe,

Boboloja 5:7

Iyo adoa na atomba mokanda a ebɔ ende ebami yona odaka a ngɛndɛ.

Boboloja 17:1

Okina obabwɛnji sambo baya badaka na kɔpɔ sambo, adoa na abala na mbi bo, Doa bo nanejae wɛ esambi emwali obɔɔli yona monɛnɛ, yona odi na edie ende a diko didua jinɛnɛ.

Boboloja 19:9

Obwɛnji abala koko na mbi bo, Sɔnɔ mojɔ mu; Bojongoa ai bato baya babeami a libonje libolongana boMwana-Bata. Na abala na mbi bo, Bikenge bimina bidi bikenge biNjambe na soti mɛnɛ.

Boboloja 19:10

Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Boboloja 21:9

Okina obabwɛnji sambo baya badaka na kɔpɔ sambo jia jiluma na madingoa masuka Sambo, adoa na abala na mbi bo, Doa nanejae wɛ Mwali-obolongana, yona odi mwali oMwana-Bata.

Boboloja 22:1

Anejani koko dua emadiba mabomɔ ekamane a ngɛndɛ eNjambe na eMwana-Bata; madaka na bosangesange bota-latala, na makɛlɛkɛ a ndanda elicilinga lingando.

Boboloja 22:8

Mbi Yoane naka, na nanɛ ngando jimina. Yana aka mbi, na yana anɛ mbi ngando jimina, nasadumba nase a bibota biobwɛnji yona ojinejani bo namosakoe.

Boboloja 22:9

Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na batɔndɔi baninga bawɛ, na bato basusu baya basumaka bikenge bimokanda mu. Sakoa oko Njambe.