Bafilipoi 4:6 - Nouveau Testament en Ngombe 1961

⁶ T’odaeni oko na mokakwano nongo mweka; jebejani Njambe ko ngando jisusu jia jitakaka na nu, oko na bo’nga, na bongɔɔnɔ, na bosakoa.

Bafilipoi 4:6 Referans Kwoze

1 Pɛtɛlo 5:7

Kinani Njambe akamoe muna momikakwano minu misusu, mojɔ bo bolɛ bonde bodi oko ai no.

Matayo 6:8

T’odaeni oko na ekɔmɛli ebu, mojɔ bo Sangwa’nu ajebaka taka enu oko omongakinini.

Bakɔlɔsai 4:2

Dani na lingbangba a bonga; sɛnjɛlɛni a bonga na sepi.

Baɛpɛsɔ 6:18

Ingakani bihole bisusu na Mwembo, tungu jisusu jibingeeli na mangɔɔnɔ; toma nganjamani na bopipo a mojɔ momina, na ingakani a mojɔ mobaMasiya basusu,

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

Luka 18:1

Yesu abala na bu mokina mondɛ. Cina emondɛ momina edi bo bato babwani bonga bihole bisusu, pɛ nongo bongwa.

Luka 12:22

Yesu abala na bacingami bande bo, A mojɔ momina, mbi natɔndɔkɔ no bo, T’odaeni oko na mokakwano a mojɔ momohelo monu, a mojɔ moboyaka, na mokuku, na bisenja bibolwa.

Bakɔlɔsai 3:15

Kinani bowi boMasiya bodae na bokumu a milema minu; obeamani bo odaeni mokuku momɔci oko a mojɔ momina. Dani koko na bosakoa.

Baɛpɛsɔ 5:20

Sakoani Njambe Sango bihole hisusu, a mojɔ mongando jisusu, a kombe eKumu osu Yesu Masiya.

Luka 10:41

Kumu ko amosɔmbeja bo, Malata, Malata, wɛ okakwanaka na oyayoaka na mijɔ minɛnɛ.

Luka 18:7

Njambe ko? iyo atalongeja bato bande mɛnɛ baya bamongɔɔnɔkɔ na bopipo na bulu na moi? Adi boyeyoa a bobakɔmeja?

Matayo 10:19

Bakapea no, t’odaeni oko na mokakwano a mojɔ mokɔpi enu na ebaeli enu; mojɔ bo ôsɔni bikenge bibobala a ehole emina.

Luka 12:29

Pɛ bosabasabani a mojɔ moboyaka na bomwaka. Pɛ bodani na mokakwano.

2 Bakolinto 1:11

Kɔmejani so na bingeeli binu, bo bato banɛnɛ basakoe Njambe a mojɔ momonganji mosɔ so, cina ebingeeli bibu.

1 Bakolinto 7:32

Mbi nitapalaka bo odaeni na mokakwano. Mondengi adi na bolɛ oko a ngando jiKumu, bo asepejae Kumu.

1 Pɛtɛlo 4:7

Suka engando jisusu edi hulelu; a mojɔ momina, sangbindeani, na dani na mongangele a mojɔ mobo’nga.

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

1 Bakolinto 7:21

Isa odaka mobuli yana abeama wɛ, pɛ mojɔ. Okanɛ njea ebosɔmi ko, t’okputoe oko.

Matayo 6:34

Oko boa, t’okakwaneni oko a mojɔ mopuma. Kinani puma etombe muna mopuma. Monɔngɔ mobusa bu mobwani na busa bu.

1 Timoteo 2:1

Eleho embi eboso edi a mojɔ mobo’nga, bo bingeeli na mangɔɔnɔ na masakoa madae a mojɔ mobato basusu;

1 Timoteo 5:5

Mwali-obogwa ko osoti yona opeliti bato, adi na njingo ai Njambe, na angaka Njambe na bulu na mei, na bingeeli na mangɔɔnɔ.