Bafilipoi 4:1 - Nouveau Testament en Ngombe 1961

¹ A mojɔ momina, baninga bambi baepaeli, toma dani bambilimake boa a tei eKumu. Mbi nadi na posa ai no; sepi embi edi ai no, na odini ekumu embi.

Bafilipoi 4:1 Referans Kwoze

Bafilipoi 1:27

Ino ko, toma dani na ekɔmɛli yena ebwani na Mwako Mopele moMasiya. Oko boa, nongo nakadoa a bo’nɛnɛ na nu, isa nakadika ya, nadi boka mwako monu, bo odini bambilimake na molema momɔci, a bo’na o moto omɔci a mojɔ moejimeli eMwako Mopele.

1 Bakolinto 16:13

Ino, toma sɛnjɛlɛni bopele; dani bambilimake a ejimeli enu; dani bami mɛnɛ; dani bato bapipo.

Bafilipoi 2:16

Peani Ebaeli ebomɔ oko boku. Oko boa mbi nadi bosepa a busa boMasiya bo naipota epotapota, na bo naikɔ elomu ekɔkɔ.

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

Bafilipoi 1:8

Njambe yo mɛnɛ ajebaka na soti bo nadi na nu posa oko na ngɛnjɔ eMasiya Yesu.

Baebele 10:23

Yɛni so bopee boku njingo ejimaka so, pɛ nongo bokamakama, mojɔ bo yo atakputoja nongo sako ekina yo.

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

Yoane 8:31

Yesu abala na BaYuda baya bamojimea bo, Okayeyoani a ebaeli embi, odini bacingami bambi na soti.

2 Timoteo 2:1

Wɛ ko mwana’mbi, da moto ongulu a mojɔ momonganji mua modi a tei eMasiya Yesu.

Bafilipoi 2:26

Mojɔ bo yo adi na posa bo anɛnɛe na nu, na adi na monɔngɔ cina bo mwako moyogo ende momea oho ai no.

2 Bakolinto 1:14

o acingeaka no mweka edɛye, bo obwanini bosepa a mojɔ mosu, na bo so bodi bosepa a mojɔ monu a busa boKumu Yesu.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

Bikɔmɛli 2:42

Ibo badaka na bingi enɛnɛ a mojɔ mobokoja bobabwɛnji, na bakatana na molema momɔci a bobuka molɛmbɛ na a mojɔ mobo’nga.

Mokanda Momibae Mosɔnɔ Pɛtɛlo - 2PE 3:17

Ino ko baninga, ajebaka no oko ngando jimina jidoakini, toma nganjamani, bo osaka laboani a mojɔ mobo-kosea bobato babe, na otadani koko bambilimake.

Baebele 4:14

Adi so ko na Nganga Monɛnɛ yona onɔi oho Diko, oko Yesu Mwana ’Njambe, kwani bopee boku ejimeli esu.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

2 Batɛsalɔnike 2:15

Oko boa baninga, dani bambilimake; peani boku bokoja bosɔ no ai so, isa na monɔkɔ, isa na mokanda.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Bagalata 5:1

Masiya asikoa so bo bodae na bosɔmi. A mojɔ momina, dani bambihmake a bosɔmi bonu; T’ojimeni oko bo opikameni koko a libuli.

Bikɔmɛli 14:22

Bambilimeja milema mibacigami, na babaleha bo bayeyoe a ejimeli. Babatɔndɔ koko bo bodi bokwea a Bokumu boNjambe oko na minɔngɔ minɛnɛ.

1 Batɛsalɔnike 3:13

Yɛ ambilimejae milema minu bo midae misɛnɔke, pɛpɛ nongo litɔnɔ, a boso boNjambe Sangwa’su, a bodoa boKumu osu Yesu na basɛnɔke bande basusu.

Matayo 10:22

Bato basusu bâlona no a mojɔ mokombe embi. Yona ko ôda mombilimake oko a suka, yo âhela.