Bafilipoi 3:2 - Nouveau Testament en Ngombe 1961

² Toma dingani a mojɔ mombwa; toma dingani a mojɔ mobato baya badi na bikɔmɛli bibe; toma dingani a mojɔ mobato babolena-ganda babokosea.

Bafilipoi 3:2 Referans Kwoze

2 Bakolinto 11:13

Bato bamina badi babwɛnji babokosea, bakɔmɛli baepulu; badi oko na elwaeli pɛ ebabwɛnji baMasiya.

Tito 1:16

Batɔndɔkɔ na monɔkɔ bo bajebaka Njambe; bamonganaka ko na bikɔmɛli bibu. Badi bato babosambolu, bato balipanga; babɔngiti nongo na ekwa ekɔmɛli epele.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.

Bagalata 5:15

Okaswianani na okakokalanani, nganjamani bo otawanani.

Bafilipoi 3:19

Suka ebato bamina edi oko bogwa. Njambe obu adi oko sɔpɔ jibu bɛnɛ, na basakumejaka na sɔni ebu. Badi na bolɛ oko a ngando jingondo ye.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Matayo 7:15

Toma nganjamani na batɔndoi babokosea, Badoaka ai no na elwaeli ebata, na badi soti oko swa babila.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 3:9

Baya badi basinagoge eSatana, baya babalaka bo badi BaYuda na baditi BaYuda, na bakoseaka, mbi nadi bobahuda ai wɛ bo basasunee a boso bobibota biwɛ, bo bajebe bo mbi napalaka wɛ.

Yuda 1:4

Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

1 Timoteo 1:19

Pea ejimeli boku na molema mopele pongono. Bakina bato balona mojɔ momina, na bapengoi a njea eejimeli.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

Baloma 2:28

Odi MoYuda, te yona odi na embete eMoYuda a mokuku; bolena boganda bosoti bocingiti na mokuku, na boditi mojɔ mosokolu.

Matayo 7:6

Yɛni bopa leka losɛnɔke ai mbwa. T’odumbeni oko leka lonu loyumu a boso bongulube, basaka lodɛhɛkɛkɛ na sɛkɛ jibu, na bâhekoa a bona na nu.

Boboloja 2:9

Mbi najebaka monɔngɔ mowɛ, na bokwali bowɛ (nongo adi wɛ na likonja). Najebaka mojɔ momasingi mabato baya baba-laka bo badi BaYuda, na baditi BaYuda; badi oko sinagoge eSatana.

Mokanda Momibae Mosɔnɔ Pɛtɛlo - 2PE 2:22

Mokina mondɛ mosoti mongami na bu bo, Mbwa asɔmbi a mikango minde mɛnɛ; okasosa ngulube adi bosabilingana a masɛtɛ.

Matayo 24:10

Bato banɛnɛ bâsaka libaku a ehole emina, bâkambana na bâlonana.