Bafilipoi 2:8 - Nouveau Testament en Ngombe 1961

⁸ Adaka yo na elimo emoto, asatiteja, na adaka na lisuma oko a bogwa, ee oko a bogwa bomole-mobokea.

Bafilipoi 2:8 Referans Kwoze

Yoane 10:18

Pɛpɛ nongo moto okatoaka mohelo mombi; namopaka mbi mɛnɛ. Nadi na kpaci bo namopɛ, na kpaci bo namotombe koko; mobeko mosɔ mbi ai Sangwa’mbi oko mu.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Baloma 5:19

Mojɔ bo isa bato banɛnɛ badi na lindo a mojɔ molipanga limoto omɔci, iboa koko bato banɛnɛ badi bolonga a mojɔ molisuma limoto omɔci.

1 Pɛtɛlo 2:24

Iyo alwa yo mɛnɛ muna mobobe bosu a mokuku monde mɛnɛ a mole-mobokea, bo so bogwɛ a bobe, na bo bohele a mojɔ mobodongo. Ino ohelani oko a mojɔ mopola jinde.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

2 Bakolinto 8:9

Ojebakani monganji moKumu osu Yesu Masiya; nongo adaka yo konji, akindoa moto obokwali a mojɔ monu, bo bokwali bonde bopɛ no makonja manɛnɛ.

Matayo 26:39

Akɛ koko boso mweka, asadumba nase, boso bonde oko a kpɔtɔ, na angɔɔnɔ bo, Sesa, kina kɔpɔ ye enɔe mbi isa njea edi. Endele ko, te mojɔ mopalaka mbi, oko mojɔ mopalaka wɛ.

Bikɔmɛli 8:33

Iyo asamboa, na bamolona esambi esoti Odi botɔndɔ mojɔ mombota ende nda? Mojɔ bo basukeja mohelo monde ya nase.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Bagalata 3:13

Masiya asikoa so a esinga eMibeko, mojɔ bo yo mɛnɛ adaka esinga a mojɔ mosu. Mojɔ bo mosɔnɔmɔ bo, Moto na moto yona ogwaka a mole alakejami.

Yoane 14:31

Mbi nakɔkɔ o abekeani Sangwa’mbi, bo ngondo ejebe bo napalaka Sangwa’mbi. Angɔni, so bokɛe!

Yoane 15:10

Okasumani mibeko mimbi, ôyeyoani a tei engɛnjɔ embi, o asumaka mbi mibeko miSangwa’mbi, na o ayeyoaka mbi a tei engɛnjɔ ende.

Matayo 26:42

Asɔmbɔ koko na angɔɔnɔ bo, Sesa, isa njea editi bo kɔpɔ ye enɔe mbi, oko adi mbi pe bopeta mwaka, yɛ modae o apalaka wɛ.

Matayo 17:2

Iyo akindoa elimo etongo a boso bobu. Boso bonde bodaka na bolailai bomodika-busa. Bisenja binde bipua kanga bopɛɛ mɛnɛ.

Yoane 4:34

Yesu abala na bu bo, Mambi mia madi oko bo nakɔe bolulea boyona olomani, na bo nasiejae elomu ende.

Luka 9:29

Yana angaka yo, boso bonde bokindoa elimo etongo; bisenja binde bipua bopɛɛ mɛnɛ, na bidaka na bolailai.

Baebele 12:4

Anaka no bila na bobe, makia manu masopeakini a bila emina.