Madiba mamina madi embete ebatisimo; batisimo emina editi a bodongeja mbindo a mokuku; edi oko mojimo momolema mopele ai Njambe, na ehelejaka no e dɛye cina ebongɔ boYesu Masiya a bogwa.
Bogwa bodaka na kpaci a ngondo, donga oko a ehole eAdama oko a ehole eMose, kpaci ai bato baya baikɔ bobe o ama kɔ Adama, yona odaka elimo eyona odaka na sako ebodoa.
Mojɔ bo Masiya aikwea a Esika-eBosɛnɔ yena eyoama na mɔmɔ, yena edi oko embete pɛ eEsika-eBosɛnɔ esoti; akwea a Diko mɛnɛ bo amae a boso boNjambe e dɛye a mojɔ mosu.
Isa bonganga boLewi bodi bobɔngeja bato soti, (mojɔ bo bato basɔ Mibeko cina ebonganga bomina) ebɔngi bo okina nganga otongo adoe mojɔ moye, te nongo na bonganga boAlona, oko na bonganga boMalekisedeke?
Ekada boa, Mibeko mikɛsɛni na njikano jiNjambe? pɛpɛ nongo mweka! Mojɔ bo, Njambe, akɔkɔ yo pa Mibeko mia Mibwani bopa bomɔ, ka bodongo bocingi oko na Mibeko.