Baebele 6:2 - Nouveau Testament en Ngombe 1961

² na bileho a mojɔ batisimo, bobakea bomɔmɔ, bongɔ bobagwake, na bosambeja bua bodi na bosusu.

Baebele 6:2 Referans Kwoze

Bikɔmɛli 6:6

Babameja a boso bobabwɛnji, baya ba’nga Njambe, na babakea mɔmɔ ai bo.

Bikɔmɛli 24:25

Yana alehaka yo a mojɔ mobodongo na bosangbindea na esambi ebodoa, Pelike adaka na bɔ. Abala na Paulo bo, Peta kɛ edɛye; ekina ndɔndɔ, nakaboloja njea, nadi bobea wɛ.

Bikɔmɛli 23:6

Paulo ko acingea bo likina libondo lilikita lidi na BaSadoki, na libondo litongo oko na BaPalusi. Oko boa yo abekoa bo, Baniga, mbi nadi MoPalusi, mwana oMoPalusi. Nadi a esambi a mojɔ monjingo ebongɔ bobagwake.

Bikɔmɛli 17:18

Bakina bato babowɛi, BaEpikulo na BaSotoiko, basoola na nde. Bakina babu babala bo, Moto yo obibalabala apalaka bobala bo? Bakina batongo babala bo, Adi o motɔndɔi obanjambe batongotongo; mojɔ bo abatɔndɔ Mwako moYesu, na mojɔ mobongɔ a bogwa.

Bikɔmɛli 16:33

Iyo abatomba a ehole emina na hulu, asosa mapipi mabu, na abatisama bokpa, yo mɛnɛ na bato bande basusu.

Bikɔmɛli 16:15

Yana abatisama yo na denga dinde pongono, angɔɔnɔ so bo, Okajimani na soti bo mbi nadi na ejimeli ai Kumu, doani a ndako embi a boda ena. Ahɛjɛ bingi na so bojima.

Bikɔmɛli 10:47

Na Pɛtɛlo abala bo, Bato ba ba’si Mwembo Mosɛnɔke o asɔ so bɛnɛ; odi bolemba bo batabatisama a Inadiba nda?

Bikɔmɛli 2:41

Oko boa baya bajima mwako monde babatisama. Busa bomina, etango ebacingami ehɛ na bato koto jisato.

Bikɔmɛli 2:38

Pɛtɛlo abala na bubo, Hekojani milema minu, na batisamani ino basusu a kombe eYesu Masiya, a mojɔ moboyɛ bojibe jinu, nongo osɛni epeeli eMwembo Mosɛnɔke.

Yoane 1:33

Mbi naimojebaka mbi mɛnɛ; yona olomani ko bo nabatise a madiba, abala na mbi bo, Okanɛ Mwembo mokatite na mokabakame ai moto, edi oko yo yona abatisaka a Mwembo Mosɛnɔke.

Malako 16:16

Yona ôjima na ôbatisama a kombe embi âhela. Yona odi pɛ bojima ko âdumbama.

Matayo 28:19

A mojɔ momina, kɛni, kɔni bacingami a makota masusu, na babatisani a kombe eSango na Mwana na Mwembo Mosɛnɔke.

Mokanda Momibae Mosɔnɔ Pɛtɛlo - 2PE 3:7

Busa ko na ngondo yena edi e dɛye jibaneamaka cina eebaeli emina a mojɔ mobotumba; jihɛngɛmɛ a bo’mba busa boEsambi na bodumba bobato babe.

Baebele 11:35

Bali basɔ koko bato babu baya bahula a bogwa. Batongo batuama nji oko a bogwa, pɛ bojima bo bacinoame, bo bangɔe a bomɔ bua bonɔi na bopele.

Baebele 9:10

ngando jimina jicingi na boyaka, na bomwaka, na bososa na madiba; Mibeko a mojɔ momokuku mia midi na kpaci oko a ehole ehobɔngeja.

2 Timoteo 2:18

Umenaio na Pileto badi a libondo limina. Ibo bapengoi a njea esoti; babalaka bo bo’ngɔ a bogwa bosia ehele, na babejaka ejimeli ebakina bato.

Bakɔlɔsai 2:12

na opuseamani na nde a batisimo, na ongɔni koko a bogwa oko na nde, a mojɔ moejimeli a ngulu eNjambe yona omongɔjɔ a bogwa.

Bafilipoi 3:21

Iyo adi bokindoja mokuku mosu monase, bo modae na elimo emokuku monde mɛnɛ moekumu, oko na ngulu yena edi ai yo a bogbokeja ngando jisusu.

1 Bakolinto 12:13

Mojɔ bo bobatisama so basusu a Mwembo momɔci bo bodae mokuku momɔci, isa BaYuda, isa BaEla, isa babuli, isa basɔmi; na bomwaka so basusu na Mwembo momɔci.

1 Bakolinto 10:2

Ibo basusu babatisama a tei eeyembi, na a tei emadiba-mamukwa, ai Mose.

Baloma 2:16

Mojɔ mu modabi bohu a busa bosambejabí Njambe mijɔ mibombamake mibato, oko na Masiya Yesu; mwako mombi modi oko boa.

Bikɔmɛli 26:8

Okina onu abwaniti bojima bo Njambe angɔjɔkɔ bagwake mojɔ moye?

Bikɔmɛli 24:21

Isa modi oko mu, bo mbi nama, na nabekoa a tei ebu bo, Mbi nasambaka busa bu a mojɔ mobongɔ bobagwake.

Bikɔmɛli 24:15

Njingo embi ai Njambe edi oko njingo ebu, bo bapele na babe badi bongɔ a bogwa.

Bikɔmɛli 4:2

Ibo badaka na kɛlɛ, cina bo babwɛnji bakojaka bato, na batɔndɔkɔ mojɔ mobongɔ boYesu a bogwa.

Yoane 5:29

Baya bakɔ bopele bangɔbí a bomɔ; baya bakɔ ko bobe bangɔbí a mojɔ mobosamba.

Luka 14:14

Oko boa ôda na bojongoa, mojɔ bo bato bamina bapeliti eka ebosɔmbeja ai wɛ. Wɛ ko ôsɔ ndese ewɛ yana ângɔ babodongo a bogwa.

Luka 12:50

Mbi ko nabwani bobatisama na ekina batisimo, na nadi na posa enɛnɛ bo esie.

Luka 11:38

MoPalusi akamoa yana anɛ yo bo aisasosa oko apetakini yaka.

Luka 3:16

Yoane ko abasɔmbeja, abala na bu basusu bo, Mbi nabatisaka no oko a madiba. Okina otongo ko akɛkɛ adoe yona onɔi mbi na ngulu. Mbi nitabɔngɔ bo nacingoe licinga lisapata jinde. Iyo adi bobatisa no a Mwembo Mosɛnɔke na a mosa.

Malako 7:8

Ino okinakani mobeko moNjambe na osumakani oko ngando jibato pɛ.

Malako 7:4

Bamiti sasɛnoja a lihule lihu a jando, batayaka nongo. Basumaka koko mibeko mitongo minɛnɛ, bososa bokɔpɔ na teni na saani.

Matayo 3:14

Yoane ko amosia; abala bo, Wɛ odoi ai mbi? mbi yona obwani bobatisama na wɛ.

2 Bakolinto 5:10

Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.

Bikɔmɛli 13:3

Oko boa yana akia bo koko, na yana anga bo, bababakea mɔmɔ na babaloma.