Baebele 4:12 - Nouveau Testament en Ngombe 1961

¹² Mojɔ bo, Ebaeli eNjambe edi mɔ, edi na ndangasa, na enɔi ambombo na bopɔlu. Ekwɛlɛkɛ moto a bobɔteja molema na mwembo, na mongi na libɔngɔ; na esambejaka malɛ na mikano mimolema.

Baebele 4:12 Referans Kwoze

Baɛpɛsɔ 6:17

Lwani egbala epipo eboheleja, na tombani abɛnɛ oMwembo yona odi Ebaeli eNjambe.

1 Pɛtɛlo 1:23

Obotamani koko na bobotama bobomɔ, te nongo na bobotama bobogwa, oko na ebaeli eNjambe yena edi mɔ, yena eyeyoaka oko na bosusu.

Boboloja 1:16

Apeaka njɔtɔ sambo a ebɔ ende ebami, na abɛnɛ onjɛngɔ jibae jipɔlu amanaka a monɔkɔ monde. Boso bonde bodaka o bohu bonɛnɛ bomodika-busa a ngulu ende.

1 Batɛsalɔnike 2:13

Yana asɔ no bwɛnji ai so, oko Ebaeli eNjambe, oesɔni o Ebaeli eNjambe mɛnɛ, te ebaeli ebato. Iso bosakoaka Njambe bihole bisusu a mojɔ momina. Mojɔ bo edi Ebaeli eNjambe soti, yena ekɔkɔ elomu a tei enu baya bajimaka.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

Boboloja 19:15

Abɛnɛ monɛnɛ amanaka a monɔkɔ monde a bokwɛlɛ makota mangondo. Tondo ende ebokumu edi tondo eebende a mojɔ mobu. Iyo adi bonda eboka evino ekɛlɛ egbasoake eNjambe obonɔ.

Baɛpɛsɔ 5:13

Bohu bokahoja mojɔ, modi boholoa a bohu; cina bo, mokaboloa modi a bohu.

Luka 8:11

Gina emondɛ oko ye; ngua jidi Ebaeli eNjambe.

Yoane 6:51

Mbi nadi molɛmbɛ mobomɔ mua mohula oho Diko. Moto akayaka molɛmbɛ mu, âda na bomɔ oko na bosusu mɛnɛ. Na molɛmbɛ môpa mbi modi oko munu mombi; namopa a mojɔ mobomɔ bongondo.

Boboloja 19:21

Yona odaka abaki a punda awa basusu batongo na abɛnɛ onde, oko abɛnɛ yona omanaka a monɔkɔ monde. Na mbulu basusu bagola na mini mibu.

Boboloja 2:16

Hekoja molema mowɛ. Omiti hekoja molema, nadi bodoa ai wɛ bokpa, a bona na bato bamina na abɛnɛ omonɔkɔ mombi.

Baebele 13:7

Pɛ bobosani basuku banu baya batɔndɔ no mwako moNjambe. Lɛni suka emihelo Mibu; ikoanani na ejimeli ebu.

Bikɔmɛli 4:31

Aseja bo bo’nga, ndako edaka bo baboli ekumana oko bokumana. Ibo basusu baluma na Mwembo Mosɛnɔke, na batɔndɔ Mwako moNjambe na bogale.

Bikɔmɛli 2:37

Bikenge bimina bibandea oko a milema, na babala na Pɛtɛlo na babwɛnji batongo bo, Baninga, êkɔ so ndeni?

Boboloja 2:23

Nâweja bana bande oko bowa. Na Menga masusu maMasiya madi bojeba bo mbi nadi yona osisoaka bolɛ na molema. Nâpa moto na moto a tei enu ndese yena ebwani na bikɔmɛli binde.

Boboloja 20:4

Nanɛ koko mingbɛlɛngɔ, na baya badaka a mingbɛlɛngɔ mimina basɔ kpaci a bosambeja. Nanɛ koko miembo Mibato baya bama tɛndɔmɔ melo a mojɔ motati ebu ai Yesu, na a mojɔ moEbaeli eNjambe, na miembo Mibato baya balona bosakoa Tito na elimo ende, na baisɔ embete ende a maso mabu, isa a mɔmɔ mabu. Ibo basɔ koko bomɔ, na bakuma na Yesu bianga koto emɔci.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

Yakobo 1:18

Iyo abota so na ebaeli esoti, oko a mojɔ mobolulea bonde mɛnɛ, bo bodae o mbuma jiboso jibato bande.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

1 Bakolinto 1:24

Endele ko, Masiya adi ngulu eNjambe, na bowɛi boNjambe, ai bato baya babeama, isa BaYuda isa BaEla.

Bikɔmɛli 5:33

Yana aka bo bikenge bimina, bakɛnjɔ kɛnjɔ enɛnɛ, na badaka na posa bo babawoe.

Yoane 12:48

Moto akalona mbi, pɛ bojima bikenge bimbi, adi na juji onde. Ekenge ebali mbi emosambejabí a busa bosuka.

Bikɔmɛli 7:38

Iyo adaka koko a likita a lisobe, na adaka na obwɛnji oDiko yana abala yo na batata basu a Mono moSinai. Iyo asɔ koko bikenge bibomɔ a bopa so.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.

Baebele 6:5

na balɛli ebaeli epele eNjambe, na ngulu engondo ebodoa,