Baebele 13:7 - Nouveau Testament en Ngombe 1961

⁷ Pɛ bobosani basuku banu baya batɔndɔ no mwako moNjambe. Lɛni suka emihelo Mibu; ikoanani na ejimeli ebu.

Baebele 13:7 Referans Kwoze

Baebele 13:17

Sumakani basuku banu, na kɔni o apalaka bo, mojɔ bo badi o banjeli bamilema minu, o bato baya badi boneja elomu ebu. Kɔni bo elomu ebu edae na sepi, te nongo na manji, osaka samboani no bɛnɛ.

Bafilipoi 3:17

Baninga, ikoanani na mbi. Anjani baya banejaka no ekoaneli o anejaka so.

Baebele 6:12

PƐ bodani na bomɛli. Ikoanani ko na bato baya basangoaka njikano cina eejimeli na lingbangba.

1 Batɛsalɔnike 1:6

Okoanani na su, na Masiya pongono, yana asɔ no Ebaeli a minɔngɔ minɛnɛ, na osepani na sepi eMwembo Mosɛnɔke.

Bikɔmɛli 14:23

Bahɔ basuku a Menga masusu; ba’nga oko na ekia edia, na babakina a mɔmɔ maKumu ojimeaka bo.

Matayo 24:45

Mokɔmɛli olisuma na bopasa adi jɔ, yona obwani bosɔ kpaci ai moswa’nde a bobanea ndako ende, na a bopa bato mia a ehole eboyaka?

1 Timoteo 3:5

Mojɔ bo, moto amiti hɔnɔ elomu endako ende mɛnɛ, adi bobanea Denga diNjambe na ye?

Baebele 13:24

Abɛjɛni basuku banu basusu, na bato baDenga basusu. Bato baltalia babɛjɛkɛ no njɛbɛ.

1 Batɛsalɔnike 2:13

Yana asɔ no bwɛnji ai so, oko Ebaeli eNjambe, oesɔni o Ebaeli eNjambe mɛnɛ, te ebaeli ebato. Iso bosakoaka Njambe bihole bisusu a mojɔ momina. Mojɔ bo edi Ebaeli eNjambe soti, yena ekɔkɔ elomu a tei enu baya bajimaka.

1 Bakolinto 4:16

Oko boa nangɔɔnɔkɔ no bo okoaneni na mbi.

Baloma 10:17

Oko boa bato bamiti ka, batada na ejimeli, na badi boka oko na Mwako Mopele moMasiya.

Bikɔmɛli 4:31

Aseja bo bo’nga, ndako edaka bo baboli ekumana oko bokumana. Ibo basusu baluma na Mwembo Mosɛnɔke, na batɔndɔ Mwako moNjambe na bogale.

Boboloja 6:9

Adipoa yo embete ebitano, mbi nanɛ miembo mibato baya bama gwa a mojɔ moEbaeli eNjambe, na a mojɔ motati ema bo tata, cina jihtumbu.

Boboloja 20:4

Nanɛ koko mingbɛlɛngɔ, na baya badaka a mingbɛlɛngɔ mimina basɔ kpaci a bosambeja. Nanɛ koko miembo Mibato baya bama tɛndɔmɔ melo a mojɔ motati ebu ai Yesu, na a mojɔ moEbaeli eNjambe, na miembo Mibato baya balona bosakoa Tito na elimo ende, na baisɔ embete ende a maso mabu, isa a mɔmɔ mabu. Ibo basɔ koko bomɔ, na bakuma na Yesu bianga koto emɔci.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

2 Batɛsalɔnike 3:9

Te bo boibwana bosɔ monganji monu; bokɔ boa bo okoaneni na ekoaneli esu.

1 Bakolinto 11:1

Ikoanani na mbi o akoanaka mbi na Masiya.

Luka 12:42

Kumu abala bo, Kumu akapa okina mokɔmɛli onde oejimeli na bowɛi kpaci ai bato bande basusu, bo abakabe mia libondo libondo a ehole yena ebwani;

Luka 8:11

Gina emondɛ oko ye; ngua jidi Ebaeli eNjambe.

2 Batɛsalɔnike 3:7

Ojebakani no bɛnɛ bo obwanini bokoana na su, mojɔ bo ekɔmɛli esu a tei enu eidaka ebe.

1 Bakolinto 10:13

Ino onɛkinini bomeka bua bonɔi ngulu enu. Njambe t’akputojake sako jinde, na yo atajima bo odaeni na bomeka bua bonɔi ngulu enu; mojɔ bo bomeka bokadoa ai no, yo adi bopa no njea ebohela, bo ohɔneni bomeka bomina.

Bikɔmɛli 13:46

Paulo na Balanaba ko babala na bu na eci bo, Ebɔngi bo so bopete tɔndɔ no mwako moNjambe soti; edɛye ko, olonini mwako momina, na ojimakani no bɛnɛ bo obɔngitini bosɔ bomɔ bua bodi na bosusu; oko boa so bodi bohekoa ai bapakano.

Luka 5:1

Yana adaka Yesu a mbongu elibale liGenesaleta, bato banɛnɛ bamohika a boka mwako moNjambe.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.