Baebele 13:21 - Nouveau Testament en Ngombe 1961

²¹ Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Baebele 13:21 Referans Kwoze

Bafilipoi 2:13

Mojɔ bo Njambe yo mɛnɛ akɔkɔ elomu ende a tei enu, bo opaleni na okɔeni bolulea bonde bopele.

Bafilipoi 4:13

Nahɔnɔkɔ ngando jisusu a tei ende yona opaka mbi ngulu.

1 Pɛtɛlo 2:5

Ino pongono toma dani matai maya madi mɔ, maya mayoama a ndako emwembo, na nganga basɛnɔke a bopa masiko mamwembo maya masepejaka Njambe a njea eYesu Masiya.

2 Timoteo 4:18

Kumu adi boheleja mbi a ndungu jisusu jibe, na âbanea mbi a mojɔ moBokumu bonde boDiko. Ekumu ai yo oko na bosusu! Amen.

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

2 Bakolinto 9:8

Na Njambe abwani bojongoa no na majongoa manɛnɛ mɛnɛ, bo otatakani nongo eka, na bo odaeni na libondo linɛnɛ a mojɔ mobilomu bisusu bipele.

1 Pɛtɛlo 4:2

bo atasuma koko posa jimokuku a masu maya madikai, oko bolulea boNjambe.

Baebele 10:36

Etakaka na nu oko lingbangba bo okɔeni bolulea boNjambe, na bo osɛni mua modikeja yo.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

Yuda 1:25

ekumu na bosakoa na bokumu na kpaci ai yo yona odi Njambe omɔci pɛ, Moheleja osu a mojɔ moYesu Masiya Kumu osu, oko ehole eipeta banga, na e dɛye, oko na bosusu. Amen.

1 Yoane 2:17

Ngondo ekɛkɛ adimoe, na posa engondo pongono. Moto ko yona okɔkɔ bolulea boNjambe ayeyoaka oko na bosusu.

1 Timoteo 1:17

Ee, ekumu na lisuma ai Kumu yona odi na bosusu, yona oditi na bogwa, yona otaboloaka na miso, yona odi Njambe omɔci pɛ. Amen.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;

1 Yoane 3:22

na bosɔkɔ ai yo mua mongaka so, cina bo bosumaka Mibeko minde, na bokɔkɔ ngando jia jimosepejaka.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

1 Timoteo 6:16

Iyo pɛ aditi nongo na bogwa; adi a bohu bua bonɔi, bo moto atahɔnɔ bobatama; moto amonɛkini na atahɔnɔ bomonɛ. Ekumu ai yo, na bokumu, oko na bosusu. Amen.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

1 Batɛsalɔnike 3:13

Yɛ ambilimejae milema minu bo midae misɛnɔke, pɛpɛ nongo litɔnɔ, a boso boNjambe Sangwa’su, a bodoa boKumu osu Yesu na basɛnɔke bande basusu.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

Bafilipoi 4:18

Mbi ko nasi leka losusu. Nadi na lituna lileka, mojɔ bo nasi toma eloma no na Epapulodito. Naditi koko na taka, na toma enu edi o epeeli esoo epele ejimaka Njambe, na emosepejaka.

Baɛpɛsɔ 2:18

Mojɔ bo so basusu babae bodi na njea ebokwea ai Sango na mwembo momɔci a mojɔ monde.

Matayo 28:20

Bakojani bo bakɔe ngando jisusu iikoja mbi no, na mbi nâda na nu oko na bosusu.

Matayo 6:13

Bambeja so a njea ebomeka. Heleja so ko a bobe Bokumu bodi ai wɛ, na ndangasa, na ekumu, oko na bosusu. Amen.

Boboloja 5:13

Na mbi naka bato basusu baDiko, na bangondo, na cina jingondo, na a madiba, na leka losusu lua lodi ena, bakabale bo, Bojongoa, na lisuma, na ekumu, na kpaci, ai yona odi a ngɛndɛ, na ai Mwana-Bata oko na bosusu.

Boboloja 4:6

Boso bongɛndɛ bodaka o ekɔmɛli elibale litalatala na kulusutala. Nanɛ koko bato babomɔ banɛi a tei engɛndɛ, na bahikaka ngɛndɛ; badaka na miso botɔ, saboso na sangɔngɔ.

Baebele 12:23

Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

1 Batɛsalɔnike 4:3

Bolulea boNjambe bodi oko bo odaeni bahɛngɛmɛke ai yo, bo obɔtɔneni na edukeli,

Bakɔlɔsai 3:20

Ino bɛngɛ, toma sumani baboti banu a ngando jisusu; mojɔ momina mosepejaka Kumu.

Bafilipoi 2:11

na bo minɔkɔ nususu mijime bo Yesu Masiya adi Kumu, a mojɔ moekumu eNjambe Sango.

Bagalata 1:5

Yɛ ekumu edae ai yo oko na bosusu. Amen.

Baloma 11:36

Leka kanga losusu mɛnɛ lodi ai yo, lohelaka a mojɔ monde na losukeaka oko na nde. Ekumu ai yo na bosusu. Amen.

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.

Baloma 16:27

Ekumu ai Njambe—odi na bowɛi oko yo pɛ—na bosusu, a mojɔ moYesu Masiya. Amen.

Yoane 17:23

—mbi a tei ebu, na wɛ a tei embi,—oko boa bokatana bobu bodi bobɔngɔ, na ngondo êjeba bo wɛ oloma mbi, na bo obapalaka o apalaka wɛ mbi.

Yoane 7:17

Isa moto apalaka bo akɔe bolulea boyona olomani, adi bocingea bokoja bombi, isa bohulaka ai Njambe, isa nakojaka na kpaci embi mɛnɛ.

Matayo 21:31

Obu babae, yona okɔ bolulea bosangwa’nde nda? Ibo bɛ bo, Oko yona oboso. Yesu abala na bu bo, Mbi natɔndɔkɔ no na soti bo baputeja batako, na bato babɔɔli, badi bonɔ boso bonu a njea eBokumu boNjambe.

Matayo 7:21

Badi bokwea a Bokumu boDiko, te nongo baya babeaka mbi Kumu, Kumu, oko moto yona okɔkɔ bolulea boSangwa’mbi yona odi oho Diko.

Matayo 12:50

Mojɔ bo, moto na moto yona okɔkɔ bolulea boSangwa’mbi yona odi oho Diko, yo adi mwangwa’mbi, na ngɛnɛ embi, na ngwa’mbi.

2 Timoteo 3:17

bo moto yona odi moto oNjambe adae mobɔngɔke, na adae na molilo mosusu a bokɔ bilomu bisusu bipele.

Baebele 12:28

Bokumu bosɔkɔ so bobwamti bokumana; a mojɔ momina, kinani bosakoe Njambe na bosakoa bosoti, oko na lisuma na bɔ.