Baebele 13:15 - Nouveau Testament en Ngombe 1961

¹⁵ Yɛni so bopɛ lisiko libosakoa ai Njambe bihole bisusu, oko na nde; cina emina edi mbuma jimaposo maminɔkɔ maya majimaka kombe ende.

Baebele 13:15 Referans Kwoze

Baloma 12:1

Baninga, mbi nangɔɔnɔkɔ no oko na monganji moNjambe bo opejaeni mikuku minu ai Njambe, epeeli yena edi mɔ na esɛnɔke a bosepeja Njambe. Bosakoa bua bobwani na nu oko bu.

1 Pɛtɛlo 2:5

Ino pongono toma dani matai maya madi mɔ, maya mayoama a ndako emwembo, na nganga basɛnɔke a bopa masiko mamwembo maya masepejaka Njambe a njea eYesu Masiya.

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.

Baɛpɛsɔ 2:18

Mojɔ bo so basusu babae bodi na njea ebokwea ai Sango na mwembo momɔci a mojɔ monde.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

Bakɔlɔsai 1:12

Sakoani Sango yona obɔngejai so bo bosangoe libondo lihsango libasɛnɔke a bohu.

Baloma 6:19

Mbi nabalaka na monɔkɔ momoto, mojɔ bo odini na bwɛmbu a munu. Toma pejani binama binu o babuli babodongo na bosɛnɔ, o apeja no boso binama binu bo bidae babuli babosɔtɔ na bobe bua bonɔi.

Yoane 10:9

Mhi nadi modipe. Moto akakwea na mbi âbela. Adi bokwea, na bomana, na bonɛ leka loboyaka.

Yoane 14:6

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Luka 10:21

Yesu aluma na sepi eMwembo Mosɛnɔke a ehole emina, na abala bo, Sesa, Kumu oDiko na nase, mbi nasakoaka wɛ, cina bo obomba ngando ji ai bato babowɛi na bato baejebeli, na ojibolojai ai bana bakɛkɛ. Ee Sesa, monganji momina modaka bolulea bowɛ.

Baebele 12:28

Bokumu bosɔkɔ so bobwamti bokumana; a mojɔ momina, kinani bosakoe Njambe na bosakoa bosoti, oko na lisuma na bɔ.