Baebele 13:12 - Nouveau Testament en Ngombe 1961

¹² Oko boa, Yesu pongono adingoa a sokolu emongba mongando, bo asɛnojae bato na makia mande mɛnɛ.

Baebele 13:12 Referans Kwoze

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

Bikɔmɛli 7:58

Bamogbula a sokolu engando, na bamola matai. Banjɛnɛki bakina bisenja bibu a bibota bimwenga omɔci, kombe ende Saula.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.

Baebele 10:29

esingaiti moto yona opɔmbejaka Mwana ’Njambe, yona osɛtojaka makia maMokongo maya mamohɛngɛ ai Njamhe, o eka engasa, na asambojaka Mwembo momonganji moNjambe.

Yoane 17:19

Mbi nasabɛngɛkɛ ai wɛ a mojɔ mobu, bo bahɛngɛme ai wɛ na soti.

Baebele 2:11

Mojɔ bo, yona osɛnojaka, na baya basɛnɔi badi na sango omɔci. A mojɔ momina yo aditi na Sɔni a bobabakea kombe bananango.

Yoane 19:34

Okina soda omɔci ko amondea litebu na likɔngɔ, na makia na madiba mamana bokpa.

Luka 4:29

Bangɔ, bamobengana a ngando, na bakɛ na nde a diko dimono bo bamodumbe nase, mojɔ bo ngando ebu edaka a mono momina.

Baebele 10:10

Na so bohɛngɛmɛ ai Njambe cina ebolulea bomina, a mojɔ moepeeli emokuku moYesu Masiya o lisiko ehole emɔci, yena ebwani na bosusu.

Boboloja 14:20

Eboka emina edaka a sokolu engando. Yana asieja bo bo’nda mbuma, makia mamana a eboka, na makɛlɛ bohali, oko a kilometa mikama misato na domi-isamano; na madaka na ndinda oko a kamba emolo mo-punda.