Baebele 11:16 - Nouveau Testament en Ngombe 1961

¹⁶ Posa ebu ko edi a ngando yena enɔi na bopele, oko oho Diko. A mojɔ momina, Njambe aditi na sɔni a boda Njambe obu, mojɔ bo yo asɛlingoa ngando a mojɔ mobu.

Baebele 11:16 Referans Kwoze

Baebele 13:14

Mojɔ bo boditi na ngando eboyeyoa ya nase. Ngando edukaka so edi ngando ebodoa.

Baebele 11:10

Mojɔ bo njingo ende edaka oko a ngando mɛnɛ yena edi na eyoeli-ecina eboyeyoa; yona okana ngando emina, na moyoeli ongando emina adi oko Njambe.

Bafilipoi 3:20

Iso ko bodi na bosɔmi bosu oho Diko, na bonjaka na tɛndɛ bo Moheleja, Kumu osu Yesu Masiya ahule ena.

Yoane 14:2

Ndako eSangwa’mbi edi na bikenge binɛnɛ. Eipeta da boa ka mbi nabwani botɔndɔ no bo nakɛkɛ a bosɛlingoa esika a mojɔ monu?

Baebele 2:11

Mojɔ bo, yona osɛnojaka, na baya basɛnɔi badi na sango omɔci. A mojɔ momina yo aditi na Sɔni a bobabakea kombe bananango.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Baebele 12:22

Ino ko odoini a Mono moSiona, a ngando eNjambe obomɔ, Yelusalema yena eDiko, ai mandundu mababwɛnji-baDiko pɛ njɛngi.

Baebele 11:14

Bato baya babalaka boa, banejaka na soti bo badukaka ngando oko boduka, ngando ebu bɛnɛ.

2 Timoteo 4:18

Kumu adi boheleja mbi a ndungu jisusu jibe, na âbanea mbi a mojɔ moBokumu bonde boDiko. Ekumu ai yo oko na bosusu! Amen.

Malako 8:38

Moto na moto yona okaka sɔni a mojɔ mombi na bikenge bimbi a tei eelulu ye ebɔɔli na bobe, Mwana ’Moto âmokea sɔni a bodoa bonde a ekumu eSangwa ’nde na babwɛnji basɛnɔke baDiko.

Bikɔmɛli 7:32

Mbi nadi Njambe obatata bawɛ; Njambe oAbalayama, oIsaka, na oYakobo. Mose aluluma na bɔ, pɛ bohɔnɔ bonja.

Luka 12:32

Yɛni bobanga, bwela bokɛkɛ, mojɔ bo mokano mopele moSangwa’nu modi bo apɛ no Bokumu

Malako 12:26

A mojɔ mobo’ngɔ bobagwake, olangakinini mojɔ molipumba a mokanda moMose? Njambe abala na nde bo, Mbi nadi Njambe oAbalayama, Njambe oIsaka, Njambe oYakobo

Luka 20:37

Mose yo mɛnɛ ajebeja bo bagwake badi bongɔ, a esika esɔnɔ yo mojɔ molipumba limole. Iyo asemba Kumu bo, Njambe oAbala-yama, Njambe oIsaka, Njambe oYakobo.

Baebele 10:34

Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.

Baebele 11:40

Mojɔ bo Njambe asɛlingoa mokina mojɔ mua monɔi na bopele a mojɔ mosu, bo bobɔngɔ bobu bodae na su pongono.

Boboloja 21:2

Na nanɛ ngando yena esɛnɔke, Yelusalema eyene, ekadonge oho Diko ai Njambe, na mosɛlingo momwali-obolongana yona olwa molilo monde a mojɔ momuma’nde.