Baebele 10:10 - Nouveau Testament en Ngombe 1961

¹⁰ Na so bohɛngɛmɛ ai Njambe cina ebolulea bomina, a mojɔ moepeeli emokuku moYesu Masiya o lisiko ehole emɔci, yena ebwani na bosusu.

Baebele 10:10 Referans Kwoze

Baebele 10:14

Cina bo, yo abɔngeja na bosusu, baya bahɛngɛmɛ ai Njambe, oko na lisiko limɔci.

Baebele 10:12

Masiya ko, ama yo pa lisiko limɔci lia libwani na bosusu mɛnɛ, ami da oko a ebɔ ebami eNjambe,

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

Baebele 7:27

Iyo abwaniti bopa masiko tu busa, o akɔkɔ nganga batongo a mojɔ mojibe jibu bɛnɛ na jibato batongo pongono. Iyo akɔ boa ehole emɔci yena ebwani na bosusu, yana asapa yo mɛnɛ lisiko.

Yoane 17:19

Mbi nasabɛngɛkɛ ai wɛ a mojɔ mobu, bo bahɛngɛme ai wɛ na soti.

Baebele 13:12

Oko boa, Yesu pongono adingoa a sokolu emongba mongando, bo asɛnojae bato na makia mande mɛnɛ.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Baebele 9:12

na akwea a Esika-eBosɛnɔ ehole emɔci pɛ yena ebwani na bosusu; aikwea na makia makambɛli na bana-bangɔmbɔ, oko na makia mande mɛnɛ, na aboloja lisiko lia lidi oko na bosusu.

1 Pɛtɛlo 2:24

Iyo alwa yo mɛnɛ muna mobobe bosu a mokuku monde mɛnɛ a mole-mobokea, bo so bogwɛ a bobe, na bo bohele a mojɔ mobodongo. Ino ohelani oko a mojɔ mopola jinde.

Baebele 10:20

oko na njea eyene, njea ebomɔ ehoja yo a ngbungbu, oko mokuku monde mɛnɛ.

Baebele 9:26

Akɔki yo kɔ boa, ka adingoe bihole binɛnɛ, banga na libangake lingondo. Iyo ko adoa ehole emɔci pɛ a suka ebianga, bo asapɛ yo mɛnɛ lisiko a bodongeja bobe.

Baebele 2:14

Oko boa, isa bana basangoaka mokuku na makia, yo mɛnɛ alwa elimo ebu, bo agbokejae yona odi na kpaci ebogwa, oko Satana mɛnɛ, a mojɔ mobogwa bonde,

1 Yoane 5:6

Edi oko yo, Yesu Masiya, yona odoa na madiba na makia; te na madiba pɛ, oko na madiba na makia pongono.

Yoane 19:34

Okina soda omɔci ko amondea litebu na likɔngɔ, na makia na madiba mamana bokpa.

Baebele 2:11

Mojɔ bo, yona osɛnojaka, na baya basɛnɔi badi na sango omɔci. A mojɔ momina yo aditi na Sɔni a bobabakea kombe bananango.

Baebele 10:5

A mojɔ momina, Masiya, yana adoa yo a ngondo, abala bo, Wɛ t’opalake masiko na bipeeli; Osɛlingoi ko mokuku a mojɔ mombi;

Yoane 6:51

Mbi nadi molɛmbɛ mobomɔ mua mohula oho Diko. Moto akayaka molɛmbɛ mu, âda na bomɔ oko na bosusu mɛnɛ. Na molɛmbɛ môpa mbi modi oko munu mombi; namopa a mojɔ mobomɔ bongondo.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.

Baebele 5:7

Yesu, yana adaka yo ya nase, angaka, na angɔɔnɔkɔ na bopipo, na mbisoli pongono, ai yona obwana bomoheleja a bogwa. Na yo amoka cina elisuma linde ai Njambe.

Baebele 9:14

esingaiti makia maMasiya yona osapa lisiko, pɛpɛ nongo litɔnɔ, ai Njambe a njea eMwembo mua modi na bosusu; madi bosɛnoja milema minu a bilomu bigwake, bo okɔmɛeni Njambe obomɔ.

Baebele 10:29

esingaiti moto yona opɔmbejaka Mwana ’Njambe, yona osɛtojaka makia maMokongo maya mamohɛngɛ ai Njamhe, o eka engasa, na asambojaka Mwembo momonganji moNjambe.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.