Bikɔmɛli 9:22 - Nouveau Testament en Ngombe 1961

²² Saula ko aluma na ngulu, na agegeaneja BaYuda baya badaka a Damaseke, na aneja na soti bo Yesu adi Masiya.

Bikɔmɛli 9:22 Referans Kwoze

Bikɔmɛli 18:5

Yana ahula Sila na Timoteo a Makedonia, Paulo atɔndɔ Mwako Mopele na hingi enɛnɛ, na ajebeja BaYuda bo Yesu adi Masiya.

Luka 21:15

Mojɔ bo mbi napa no bɛtɛ ebobala, na bowɛi a bogbokeja, na bodumba soki jinu jisusu.

1 Bakolinto 1:27

Njambe ahɔkɔ bato bayebe bangondo, a bosamboja bato babowɛi. Njambe ahɔkɔ bato bayɛmbu bangondo, a bosamboja bato bapipo.

Bikɔmɛli 28:23

Bahɔ bokina busa, na bato badoa banɛnɛ a ndako ePaulo. Iyo abanga bobakoja ehuma, na ahakoja oko a ehole emɔkɔ. Abatɔndɔ mwako moBokumu boNjambe. Abaleha na Mibeko miMose na mikanda mibatɔndɔi, na akenga bohekoja milema mihu ai Yesu.

Bafilipoi 4:13

Nahɔnɔkɔ ngando jisusu a tei ende yona opaka mbi ngulu.

Bikɔmɛli 17:3

Abaneja cina eMisɔnɔ, na angameja bo Masiya abwana bodingoa bo angɔe a bogwa. Abala koko bo, Iyo Yesu, oko yona otɔndɔkɔ mbi no, adi Masiya.

Bikɔmɛli 9:20

Na abanga botɔndɔ bokpa a smagoge bo Yesu adi Mwana ’Njambe.

Bikɔmɛli 9:21

Bato basusu baya bamoka bakamoa. Babala bo, Moto yo, te yona onɔngejaka bato oho Yelusalema, oko bato baya basembaka kombe emina? Na adoiti ya a bopea bato, bo akɛe na bu a mbɔci ai basuku banganga?

Bikɔmɛli 9:23

Yana anɔ masu manɛnɛ, BaYuda badumba ndungu bo bamowoe.

Bikɔmɛli 9:27

Balanaba ko amosɔ, na akɛ na nde ai babwɛnji. Iyo abajebaja mojɔ moSaula, bo ama nɛ Kumu a njea, na bo Kumu ama bala na nde. Abajebeja koko bo Saula ama tɔndɔ Mwako Mopele na eci a kombe eYesu a Damaseke.

Bagalata 1:18

Yana anɔ bianga bisato, nakɛ a Yelusalema a bo’nɛnɛ na Pɛtɛlo, na nayeyoa na nde masu domi-na-matano.

1 Timoteo 1:12

Mbi nasakoaka Masiya Yesu Kumu osu yona opani ngulu, mojɔ bo yo ajima bo nadi na lisuma, na ahɔ mbi a mojɔ moelomu ende;