Bikɔmɛli 4:2 - Nouveau Testament en Ngombe 1961

² Ibo badaka na kɛlɛ, cina bo babwɛnji bakojaka bato, na batɔndɔkɔ mojɔ mobongɔ boYesu a bogwa.

Bikɔmɛli 4:2 Referans Kwoze

Bikɔmɛli 17:18

Bakina bato babowɛi, BaEpikulo na BaSotoiko, basoola na nde. Bakina babu babala bo, Moto yo obibalabala apalaka bobala bo? Bakina batongo babala bo, Adi o motɔndɔi obanjambe batongotongo; mojɔ bo abatɔndɔ Mwako moYesu, na mojɔ mobongɔ a bogwa.

Baloma 8:11

Isa Mwembo monde yona ongɔjɔ Yesu a bogwa modi a tei enu, yona ongɔjɔ Masiya Yesu a bogwa adi bopa no bomɔ a mikuku minu mibogwa, oko na Mwembo monde mua modi a tei enu.

Bikɔmɛli 13:45

BaYuda ko, yana anɛ bo emumu enɛnɛ ebato, badaka na likaka linɛnɛ. Bakpɛngɔlɔ bibaeli biPaulo bo biditi soti, na bamololea.

1 Bakolinto 15:23

Masiya adi o mbuma eboso, ngɔngɔ jinde oko baya badi bato bande a bodoa bonde.

Bikɔmɛli 26:23

oko bo Masiya abwani bodingoa, bo angɔe boso a tei ebagwake, na bo atɔndɔe mwako mobohu ai bato basu na a makota matongo.

Bikɔmɛli 26:8

Okina onu abwaniti bojima bo Njambe angɔjɔkɔ bagwake mojɔ moye?

Bikɔmɛli 24:21

Isa modi oko mu, bo mbi nama, na nabekoa a tei ebu bo, Mbi nasambaka busa bu a mojɔ mobongɔ bobagwake.

Bikɔmɛli 19:23

A ehole emina ko, mokina mojɔ monɛnɛ mokwa a cina eejimeli ai Kumu.

Bikɔmɛli 5:17

Mosuku onganga, na bato basusu baya badaka bacingi na nde (oko bato baejimeli eBaSadoki) badaka na likaka linɛnɛ a mojɔ momina.

Bikɔmɛli 3:15

Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina.