Bikɔmɛli 3:25 - Nouveau Testament en Ngombe 1961

²⁵ Ino odini bana babatɔndɔi, basangoli baMokongo mobakea Njambe na batata banu, yana abala yo na Abalayama bo, Makota masusu mangondo majongoamabí a mojɔ mobana bawɛ.

Bikɔmɛli 3:25 Referans Kwoze

Bikɔmɛli 2:39

Sako ye edi ai no bɛnɛ, na bana banu, na bato basusu baya badi bohali pongono, oko bato basusu babeaka Kumu Njambe osu ai yo.

Bagalata 3:8

Mosɔnɔ moneja eyou bo Njambe adi bolongeja bapakano a mojɔ moejimeli, na mojebeja Abalayama Mwako Mopele na ebaeli ye, Makota masusu mangondo mâjongoama oko na wɛ.

Boboloja 7:9

Nanja koko, na nanɛ emumu ebato pɛ njɛngi; pɛpɛ nongo moto obwani bolanga etango emina; bato bamakota masusu, na tungu jisusu, nambota jisusu, na kɔpi jisusu. Badaka ba’mi a boso bongɛndɛ, na a boso boMwana-Bata. Balwaka kasaka jiyai jipu, na bapeaka mango a mɔmɔ mabu.

Bagalata 3:16

Oko boa, njikano jidaka ai Abalayama na ai mbota ende. Aibala bo, Ai mbota jiwɛ, o mbota jinɛnɛ; oko, Ai Mbota ewɛ, mbota ewɛ emɔci, oko Masiya.

Baloma 4:13

Abalayama aisɔ sako elisango lingondo ai yo mɛnɛ na bana bande a mojɔ moMibeko, oko a mojɔ mobodongo boejimeli.

Bagalata 3:29

Isa odini bato baMasiya, odini bana baAbalayama, na basangoli banjikano.

Boboloja 14:6

Nanɛ koko okina obwɛnji otongo akapimboe a tei ebusa. Iyo adaka na Mwako Mopele mua modi na bosusu, bo atɔndɔe bato bangondo, makota na makota, tungu na tungu, kɔpi na kɔpi, maboti na maboti.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;

Baloma 15:8

Mbi natɔndɔkɔ no bo Masiya adaka mokɔmɛli oBaYisalaele bo angamejae sako jikinea Njambe batata bo jidi soti,

Bikɔmɛli 13:26

Baninga, bana baAbalayama, na no basusu baya basumaka Njambe, mwako mu mobohela molomami oko ai no.

Luka 1:72

Akɔi monganji modikeja yo ai basangwa’su, Na alɛi mokongo monde mosɛnɔke,