Bikɔmɛli 26:29 - Nouveau Testament en Ngombe 1961

²⁹ Paulo asɔmbeja bo, Mbi nangaka Njambe bo, isa edɛye isa ngɔngɔ, bato basusu baya bakaka mbi busa bu badae o adi mbi, na wɛ mɛnɛ pongono,—te na minyɔlɔ mi ko!

Bikɔmɛli 26:29 Referans Kwoze

Baɛpɛsɔ 6:20

Nadi ohwɛnji a minyɔlɔ oko a mojɔ momina. Ingakani bo nadae na eci yena ebwani na mbi a bobala.

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

Baloma 10:1

Baninga, posa emolema mombi, na bonga bombi ai Njambe bodi oko a mojɔ mobu, bo bahele.

Bikɔmɛli 21:33

Kapitɛni adoa, amotembea, na apa monɔkɔ bo bamokande na minyɔlɔ mibae. Ahɔjɔ koko kombe ende na mojɔ moma yo kɔ.

2 Bakolinto 11:1

Nitapalaka bo ongwaeni bogegele bombi bokba; dani na lingbangba a mojɔ mombi.

1 Bakolinto 7:7

Posa embi edi bo bato basusu badae o adi mbi mɛnɛ. Moto na moto ko asɔkɔ libondo linde ai Njambe; okina ekɔmɛli emɔci, otongo ekɔmɛli etongo.

1 Bakolinto 4:8

Ino ko ogolini. Okonjini makonja. Okweini a bokumu bonu no bɛnɛ, te nongo na sn. Posa embi edi oko bo odaeni bakumu soti, bo so bokumee na nu.

Bikɔmɛli 25:14

Bayeyoa ena makina masu, na Peseto atɔndɔ kumu mojɔ moPaulo. Abala bo, Pelike akina momi omɔci ya a blɔkɔ.

Bikɔmɛli 12:6

Yana akanaka Elode bo amejae Pɛtɛlo a boso bobato ehuma, Pɛtɛlo adaka ahwɛli na bniu bomina a tei ebasoda babae. Bama kanda yo na minyɔlɔ mibae, na basinjili badaka a boso bomodipe a bosɛnjɛlɛ blɔkɔ.

Yoane 5:34

Tati ko esɔkɔ mbi, editi tati emoto. Mbi ko nabali ngando ji bo oheleni.