Bikɔmɛli 22:5 - Nouveau Testament en Ngombe 1961

⁵ Mosuku onganga, na basuku basusu bangando, babwani botɔndɔ bo mojɔ momina modi soti. Ibo bapani mikanda ai bato baDamaseke, bo nakɛe oho a bopea bato, a bohula na bu a mbɔci a Yelusalema a mojɔ mobosamba.

Bikɔmɛli 22:5 Referans Kwoze

Luka 22:66

Yana ahoa busa, babolea likita libasuku bangando, na nganga, na basɔni, na bakɛ na nde a esambi ebu.

Bikɔmɛli 5:21

Ibo baka mojɔ momina, na bakwea a tempelo ehuma mɛnɛ, na babanga bokoja. Yana atitana mosuku onganga na bato bande, babolea likita libajuji, na basuku baYisalaele, na baloma ndɔsɔ ebabwɛnji a blɔkɔ.

1 Timoteo 4:14

T’onamejae oko epeeli yena edi a tei ewɛ; oesɔ na bileho yana abakea basuku baDenga mɔmɔ mabu ai wɛ.

Bikɔmɛli 28:21

Ibo bamo-sɔmbeja bo, Iso bositi mikanda miYuda a mojɔ mowɛ, na pɛpɛ nongo moto osu odoi ya a botɔndɔ so, isa a bobala mokina mojɔ mobe mokɔ wɛ.

Bikɔmɛli 26:12

Oko boa nakɛ a Damaseke na kpaci ebasuku banganga, oko a mojɔ momina.

Bikɔmɛli 26:10

Nakɔ boa a Yelusalema. Nasa bato baMasiya banɛnɛ a blɔkɔ, oko na kpaci ebasuku banganga. Na yana abawa bo, mbi najima mojɔ momina pongono.

Bikɔmɛli 22:1

Baninga na basangwa ’mbi, hokeani bikenge bimbi bo nasalongejae a boso bonu.

Bikɔmɛli 13:26

Baninga, bana baAbalayama, na no basusu baya basumaka Njambe, mwako mu mobohela molomami oko ai no.

Bikɔmɛli 9:14

Na adoi ya na kpaci ebasuku banganga bo apee bato basusu baya bangaka a kombe ewɛ.

Bikɔmɛli 4:5

Yana ahoa busa, babolea likita libakumu, na basuku bangando, na basɔni, a Yelusalema.

Bikɔmɛli 1:15

Pɛtɛlo angɔ bokina busa a likita libaninga, (badaka baboli isa bato mokama na domi-ibae na dea) na abala bo,

Bikɔmɛli 2:29

Baninga, kinani nabale na nu a bohu a mojɔ motata osu Dawidi.

Bikɔmɛli 3:17

Baninga, mbi najebaka bo okɔni mojɔ momina a libumi linu, no bɛnɛ na bakumu banu pongono.

Bikɔmɛli 23:1

Paulo anja likita linjenje; abala na bu bo, Baninga, molema mombi motadumbaka mbi a mojɔ moekɔmɛli embi masu masusu a miso maNjambe.

Bikɔmɛli 23:6

Paulo ko acingea bo likina libondo lilikita lidi na BaSadoki, na libondo litongo oko na BaPalusi. Oko boa yo abekoa bo, Baniga, mbi nadi MoPalusi, mwana oMoPalusi. Nadi a esambi a mojɔ monjingo ebongɔ bobagwake.

Bikɔmɛli 26:11

Nabadingoja bihole binɛnɛ a sinagoge jisusu; nakenga koko na bopipo bo basambojae Njambe na bibaeli bibu. Nabanɔngeja oko a ngando jitongo bohali, cina ekɛlɛ embi enɛnɛ ai bo.

Bikɔmɛli 28:17

Yana anɔ masu masato, Paulo abolea basuku baBaYuda. Yana atitana bo, Paulo abala na bu bo, Baninga, mbi naisopa nongo mobeko mobato isa mobasangwa’su. Bapeani ko a Yelusalema, na bapani a mɔmɔ maBaLoma.

Bagalata 1:13

Ino ojebakani moda mombi moyou yana adaka mbi na ejimeli eBaYuda; ojebakani bo nadingoja na nabeja Denga diNjambe.

Bafilipoi 3:6

Nadaka na bingi a bonɔngeja Denga. Nadaka na lisuma mɛnɛ a Mibeko, pɛpɛ nongo mojɔ.