Bikɔmɛli 22:16 - Nouveau Testament en Ngombe 1961

¹⁶ Embaka wɛ edɛye ndeni? Angɔ, batisama, na sɛnoa a jibe jiwɛ, na ingɔɔnɔ a kombe eKumu.

Bikɔmɛli 22:16 Referans Kwoze

Bikɔmɛli 2:38

Pɛtɛlo abala na bubo, Hekojani milema minu, na batisamani ino basusu a kombe eYesu Masiya, a mojɔ moboyɛ bojibe jinu, nongo osɛni epeeli eMwembo Mosɛnɔke.

Bikɔmɛli 2:21

Na modabí bo moto na moto yona obeaka a kombe eKumu ahelabí.

Baebele 10:22

bobwani bobatama na molema mosoti na ejimeli enɛnɛ, pɛpɛ kitɛ, na milema misu mibɔtɔnɔke na ejebeli ebobe, na mikuku misu misosamake na madiba mapele.

Tito 3:5

yo aheleja so, te cina ebikɔmɛli bisu bipele, oko a mojɔ mowa ende mɛnɛ, na bosɛnoja bobobotama boyene, na eyoeli eyene eMwembo Mosɛnɔke

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

1 Pɛtɛlo 3:21

Madiba mamina madi embete ebatisimo; batisimo emina editi a bodongeja mbindo a mokuku; edi oko mojimo momolema mopele ai Njambe, na ehelejaka no e dɛye cina ebongɔ boYesu Masiya a bogwa.

Bagalata 3:27

Ino basusu baya babatisama ai Masiya, balwa Masiya oko bolwa.

1 Bakolinto 12:13

Mojɔ bo bobatisama so basusu a Mwembo momɔci bo bodae mokuku momɔci, isa BaYuda, isa BaEla, isa babuli, isa basɔmi; na bomwaka so basusu na Mwembo momɔci.

Bikɔmɛli 9:14

Na adoi ya na kpaci ebasuku banganga bo apee bato basusu baya bangaka a kombe ewɛ.

1 Bakolinto 1:2

a Denga diNjambe dia didi oho Kolinto, oko bahɛngɛmɛkɛ baMasiya Yesu, baya babeama bo badae basɛnɔke, na bato basusu baya bangaka a kombe eKumu Yesu Masiya a bisika na bisika. Adi Kumu obu na Kumu osu pongono.

Bikɔmɛli 9:18

Oko a ehole emina, leka o poso jiswi, lokwa a miso mande, na asɔ koko njɛnɛ ende. Angɔ na abatisama,

Yoane 13:8

Pɛtɛlo abala na nde bo, Pɛpɛ; otasosa nongo bibota bimbi! Yesu amosɔmbeja bo, Namiti sosa wɛ, oditi a libondo limbi.

Bikɔmɛli 7:59

Yana alaka bo Sɛtɛpano matai, yo anga bo, Kumu Yesu, asɔ mwembo mombi.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.