Bikɔmɛli 2:22 - Nouveau Testament en Ngombe 1961

²² Ino bami baYisalaele, hokeani mijɔ mi. Ojehakani mojɔ moYesu oNasaleta. Njambe aneja no bo ahɔ moto omina a tei enu, oko na bimbete na mindumba mikɔ Njambe na nde a boso bonu.

Bikɔmɛli 2:22 Referans Kwoze

Yoane 3:2

Iyo adoa ai Yesu na bulu. Abala na nde bo, Mokoja, iso bojebaka bo wɛ odi mokoja yona odonga ai Njambe; mojɔ bo Njambe amiti da na moto, atahɔnɔ bokɔ bimbete bikɔkɔ wɛ.

Bikɔmɛli 4:10

Toma cingeani no basusu, na bato basusu baYisalaele pongono, bo moto yoyo adi a boso bonu edɛye na mokuku mopele, oko a mojɔ mokombe eYesu Masiya oNasaleta, oko yona owa no a mole-mobokea; Njambe ko amongɔjɔ a bogwa.

Luka 11:20

Isa mbi ko nadumbaka miembo mibe na mosapi moNjambe, Bokumu boNjambe bodoi ai no.

Matayo 12:28

Isa mbi ko namejaka miembo mibe na ngulu eMwembo moNjambe, Bokumu boNjambe bodoi ai no.

Matayo 9:8

Yana anɛ bimumu bibato mojɔ momina, badaka oko na bɔ, na bakumeja Njambe yona opa kpaci emina ai bato.

Baebele 2:4

Na Njambe aneja bo tati ebu edi soti, oko na bimbete, na mindumba, na mijɔ Mibokamoa, na bipeeli biMwembo, o ajima yo na bolulea bonde.

2 Bakolinto 12:12

Bimbete, na mindumba, na bilomu bipipo, bingameja elomu embi eobwɛnji a tei enu na lingbangba linɛnɛ.

Bikɔmɛli 26:26

Kumu Agulipa ajebaka ngando jimina, na mbi nabalaka na nde a bohu. Ngando jimina jiikɔmɔ a libombi na mbi nalɛkɛ bo ajebaka jisusu.

Bikɔmɛli 26:9

Mbi mɛnɛ najima ehele bo nakɔe mijɔ minɛnɛ oko na lisoki a kombe eYesu oNasaleta.

Bikɔmɛli 24:5

Iso bonɛkɛ bo moto yoyo apukejaka bato bou mɛnɛ. Alindaka BaYuda a ngondo esusu oko a bona pɛ. Adi koko mosuku obu baya badi na kombe BaNasaleta.

Bikɔmɛli 22:8

Mbi nasɔmbeja bo, Kumu, wɛ nda? Na yo abala na mbi bo, Mbi nadi Yesu oNasaleta na wɛ onɔngejaka oko mbi.

Bikɔmɛli 21:28

Babekoa bo, Bami baYisalaele, kɔmejani so! Anjani moto yoyo; akojaka bato a bisika bisusu bo balone bato basu, na Mibeko, na esika yeye pongono. Mojɔ motongo koko, akwejai BaEla a tempelo, na asambojai esika ye esɛnɔke.

Bikɔmɛli 14:27

Yana amea bo, babolea likita liDenga, na babatɔndɔ ngando jisusu jima kɔ Njambe na bu, na bo ama dipoa njea eejimeli ai bapakano.

Bikɔmɛli 13:16

Oko boa Paulo angɔ, ahɛhɛ ebɔ ende na abala bo, Ino bami baYisalaele, na no baya basumaka Njambe, hokeani.

Bikɔmɛli 6:14

Iso bomo’ki yana abali yo bo Yesu, yona oNasaleta, adi bobuka esika ye, na bobeja mijɔ misɔ so ai Mose.

Bikɔmɛli 5:35

Abala na likita bo, Ino bami baYisalaele, toma nganjamani na mojɔ mokanaka no bokɔ na bato ba.

Bikɔmɛli 3:12

Yana anɛ Pɛtɛlo mojɔ momina, abala na bato bo, Ino bami baYisalaele, okamoakani a mojɔ momoto yo cina eye? onjakani so ngbɛ mojɔ moye? Olɛkɛni bo so bodalejai moto yoyo na ejimeli na ngulu esu bɛnɛ?

Yoane 19:19

Pilato asɔnɔ mokina mosɔnɔ, na amobakea a mole-mobokea. Mosɔnɔ modaka bo, YESU ONASALETA, KUMU OBAYUDA.

Yoane 15:24

Pɛpɛ nongo okina otongo okɔ bilomu bikɔkɔ mbi a tei ebu. Eipeta da boa, ka baditi na lindo. Edɛye ko bani mbi, na badi na mbi soki, na badi na Sangwa’mbi soki pongono.

Yoane 12:17

Bato banɛnɛ baya badaka na nde yana abea yo Lazalo bo amane a esɛmɔ yana amongɔjɔ yo a bogwa, batɔndɔ mojɔ momina pongono.

Yoane 11:47

Basuku banganga na BaPalusi babolea likita libajuji. Babala bo, Iso bôkɔ boni? Moto omina akɔkɔ mindumba minɛnɛ.

Yoane 10:37

Isa mbi nitakɔkɔ bilomu biNjambe, t’ojimeni oko mbi.

Yoane 9:33

Isa moto yo ahuliti ai Njambe, ka abwaniti bokɔ mokina mojɔ boa.

Yoane 7:31

Bato bangando ko banɛnɛ bamojimea. Ibo babala bo, Masiya akadoa, bimbete binde bînɔ bimbete bikɔkɔ moto yo?

Yoane 6:27

T’okɔeni oko elomu a mojɔ modia dia dibehaka; kɔni ko a mojɔ modia dia diyeyoaka oko a bomɔ bua bodi na bosusu. Mwana ’Moto âpa no dia dimina, mojɔ bo Sango abakea embete ende ai yo.

Yoane 6:14

Yana anɛ bato mondumba mokɔ Yesu, babala bo, Iyo adi soti motɔndɔi yona odi na sako ebodoa a ngondo.

Yoane 5:36

Na tati embi ko, na tati eYoane, tati embi enɔi. Mojɔ bo Sango apani bilomu bo nabisiejae. Bilomu bimina, oko bilomu bikɔkɔ mbi, binejaka bo Sango alomani.

Yoane 4:48

Yesu abala na nde bo, Omiti nɛni mindumba na bimbete, otajimani nongo.

Yoane 1:45

Pilipo aduka Natanaele, na abala na nde bo, Mose asɔnɔ a Mibeko, na batɔndɔi basɔnɔ pongono, a mojɔ mookina moto; iso bomobolojai, oko Yesu oNasaleta, mwana oYosepa.

Luka 24:18

Okina obu, kombe ende Kɛlɔpa, amosɔmbeja bo, Mokɛndɛli omɔci a Yelusalema yona odi pɛ bojeba mijɔ mia mikwabi oho na masu ma, oko wɛ pɛ?

Matayo 2:23

Akɛ oho, na ada a ekina ngando yena edi na kombe Nasaleta. Oko boa mojɔ mobala batɔndɔi mongama bo, Bâmobea moto oNasaleta.

Bikɔmɛli 2:19

Nanejabí mijɔ mibokamoa ta busa, Na bimbete a ngondo ya nase, Oko makia, na mosa, na modidi momosa.

Bikɔmɛli 2:43

Bato basusu badaka na bɔ a mojɔ mobimbete na mindumba mikɔkɔ babwɛnji.

Bikɔmɛli 3:6

Pɛtɛlo ko abala bo, Mbi napeliti nongo likonja, pɛpɛ flanka, pɛpɛ pata; endele ko, mbi napaka wɛ oko lia lipeli mbi; a kombe eYesu Masiya oNasaleta, dala!

Luka 18:37

Bato bamotɔndɔ bo Yesu oNasaleta akɛkɛ anɔe.