Bikɔmɛli 14:8 - Nouveau Testament en Ngombe 1961

⁸ Okina momi adaka a Lusetulia yona obotama na mako mago, pɛ bongɔ, pɛ bodala.

Bikɔmɛli 14:8 Referans Kwoze

Bikɔmɛli 3:2

Okina momi adaka ena yona obotama mondɔke. Bamotombaka bo bamosambee masu masusu a modipe motempelo mua modaka na kombe Esɛngɔ; na angaka likonja ai bato baya bakweaka a tempelo.

Bikɔmɛli 4:9

opalakani bokokeleja so busa bu a mojɔ moelomu epele eboheleja moto yo a yogo, oko moto mondɔke.

Yoane 5:7

Moto yona odaka na yogo amosɔmbeja bo, Kumu, mbi napeliti moto a botiteja mbi ta madiba a ehole etɔkɔkɔ madiba. Yana atitaka mbi, okina otongo atitaka a boso bombi.

Bikɔmɛli 14:6

Paulo na Balanaba ko baka mojɔ momina, na bacia a Lusetulia na Delube, ngando jiLukaonia, na a bisika bitongo oho,

Bikɔmɛli 14:21

Batɔndɔ Mwako Mopele a ngando emina, na bakina bato banɛnɛ bajima. Ngɔngɔ jimina, bahula koko a Lusetulia, a Ikoma, na a Antiokia.

Bikɔmɛli 16:1

Paulo amea a Delube na Lusetulia. Okina mocingami adaka ena, kombe ende Timoteo, ngwa’nde MoYuda, sangwa’nde MoEla.

2 Timoteo 3:11

bodingoa na minɔngɔ mimbi, na mijɔ minɛ mbi a Antiokia, a Ikonia na a Lusetulia. Nasɔ bodingoa bonɛnɛ na eci; Njambe ko ahelejani a minɔngɔ mi misusu.