Bikɔmɛli 14:5 - Nouveau Testament en Ngombe 1961

⁵ Oko boa, bakina bapakano, na BaYuda, na basuku babu, bakana bo babanɔngejae, na bo babamae matai.

Bikɔmɛli 14:5 Referans Kwoze

Bikɔmɛli 14:19

Bakina BaYuda ko baAntiokia na Ikonia badoa. Ibo bapangoa bato, ba’la Paulo matai, na bamokpakula a sokolu engando, mojɔ bo balɛkɛ bo adi mogo.

2 Timoteo 3:11

bodingoa na minɔngɔ mimbi, na mijɔ minɛ mbi a Antiokia, a Ikonia na a Lusetulia. Nasɔ bodingoa bonɛnɛ na eci; Njambe ko ahelejani a minɔngɔ mi misusu.

Bikɔmɛli 17:5

BaYuda ko badaka na likaka. Ibo babea bakina bami babe bangando. Batitaneja koko bato kanga banɛnɛ mɛnɛ, na bahɛjɛ wokowoko enɛnɛ a ngando. Bahika ndako eYasona, na baduka njea a bomeja Paulo na Sila a boso bobato.

Luka 6:28

Jongoakani baya balakejaka no; ingakani a mojɔ mobato baya banɔngejaka no.

Matayo 5:44

Mbi ko natɔndɔkɔ no bo, Toma palani soki jinu. Toma’ngɔɔnoni Njambe a mojɔ mobato baya banɔngejaka no.

Bikɔmɛli 13:45

BaYuda ko, yana anɛ bo emumu enɛnɛ ebato, badaka na likaka linɛnɛ. Bakpɛngɔlɔ bibaeli biPaulo bo biditi soti, na bamololea.

Bikɔmɛli 13:50

BaYuda ko bapangoa bali baejimeli, bali baesako epele, na basuku bangando pongono, na bakeja bato kɛlɛ, bo banɔngejae Paulo na Balanaba, na bababengana a ngando ebu.

Bikɔmɛli 14:2

BaYuda ko baya balona bojima, bakeja bapakano kɛlɛ na balumeja milema mibu na bokosea a mojɔ mobaninga.

Bikɔmɛli 14:4

Bato bangando ko badaka na bobɔtɔ. Likina libondo lidaka a dɔngɔ diBaYuda, na libondo litongo a dɔngɔ dibabwɛnji.

2 Bakolinto 11:26

Nakɛ mɛngɔ minɛnɛ. Napa njupi a dua, napa koko njupi a mojɔ momibengo; napa njupi a mojɔ mobato bahkota limbi mɛnɛ, na a mojɔ mobapakano pongono; napa njupi a ngando, na njupi a lisobe; napa njupi a madiba-mamukwa, na njupi a mojɔ mobaninga babokosea.

1 Batɛsalɔnike 2:2

Nongo ama so dingoa na ama so samboa a Pilipoi, bomi hɛ oko na eci eNjambe, o ajebaka no, a botɔndɔ no Mwako Mopele moNjambe o bila mɛnɛ.

1 Batɛsalɔnike 2:14

Baninga, odakani bakoaneli baMenga maNjambe a tei eMasiya oho a Yuda; mojɔ bo ino o’sɔni minɔngɔ ai bato balikota linu bɛnɛ, o asɔ bo ai BaYuda.

1 Batɛsalɔnike 2:16

Batandanejaka so bo bosaka tɔndɔ bapakano Mwako Mopele bo bahele. Oko boa balume—jaka mwɛngi mojibe jibu bihole bisusu. Likundu ko liNjambe limei oko ai bo.