Bikɔmɛli 14:1 - Nouveau Testament en Ngombe 1961

¹ Adaka bo a Ikoma, bakwea bo babae a sinagoge eBaYuda, na bato banɛnɛ mɛnɛ bajima a mojɔ momwako mobu, na BaYuda na BaEla pongono.

Bikɔmɛli 14:1 Referans Kwoze

Bikɔmɛli 18:4

Paulo apa bileho a smagoge a masu maSabata masusu, a bojimeja BaYuda na BaEla pongono.

Bikɔmɛli 13:51

Ibo bahakoa dutu dibibota bibu a boso bobu, na bakɛ a Ikonia.

Bikɔmɛli 13:46

Paulo na Balanaba ko babala na bu na eci bo, Ebɔngi bo so bopete tɔndɔ no mwako moNjambe soti; edɛye ko, olonini mwako momina, na ojimakani no bɛnɛ bo obɔngitini bosɔ bomɔ bua bodi na bosusu; oko boa so bodi bohekoa ai bapakano.

Bikɔmɛli 14:21

Batɔndɔ Mwako Mopele a ngando emina, na bakina bato banɛnɛ bajima. Ngɔngɔ jimina, bahula koko a Lusetulia, a Ikoma, na a Antiokia.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

Baloma 10:12

Mojɔ bo BaYuda na BaEla badi amɛci. Kumu omɔci adi Kumu obu basusu, na likabo linde iibwani na bato basusu baya bamongɔɔnɔkɔ.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

Bikɔmɛli 19:17

BaYuda basusu, na BaEla basusu, baya badaka a Ɛpɛsɔ baka mojɔ momina, na badaka na bɔ. Na gala ekombe eYesu ehɛ oko bohɛ.

Bikɔmɛli 19:8

Paulo akwea a sinagoge na abala na eci. Atɔndɔ mwako moBokumu boNjambe songe basato, na ameka bojimeja baya bamohokeaka.

Bikɔmɛli 18:8

Kulusipo, mosuku osinagoge, na bato bandako ende basusu, bajimea Kumu. BaKolinto koko banɛnɛ baya baka Paulo bajima na babatisama.

Bikɔmɛli 17:12

Oko boa, bakina babu banɛnɛ bajima; bakina BaEla bajima pongono, na bali banɛnɛ baBaEla baesako epele.

Bikɔmɛli 17:4

Bakina babu bajima, na bacingama na Paulo na Sila. Bato banɛnɛ baBaEla baya bajimaka Njambe, na bakina bali, basuku bangando, bacingama na bu pongono.

Bikɔmɛli 13:43

Na yana anangana likita, bakina BaYuda banɛnɛ, na bato banɛnɛ baya bama hekoa a ejimeli eBaYuda, bacingama na Paulo na Balanaba. Ibo babala na bu, na babaleha bo bayeyoe a monganji moNjambe.

Bikɔmɛli 11:21

Ebɔ eKumu edaka na bu; bato banɛnɛ bajima na bahekoa ai Kumu.

Bikɔmɛli 9:20

Na abanga botɔndɔ bokpa a smagoge bo Yesu adi Mwana ’Njambe.

Bikɔmɛli 21:28

Babekoa bo, Bami baYisalaele, kɔmejani so! Anjani moto yoyo; akojaka bato a bisika bisusu bo balone bato basu, na Mibeko, na esika yeye pongono. Mojɔ motongo koko, akwejai BaEla a tempelo, na asambojai esika ye esɛnɔke.

Bikɔmɛli 20:21

Nalehaka BaYuda na BaEla pongono bo bahekoe ai Njambe na ejimeli ai Kumu osu Yesu Masiya.

Bikɔmɛli 17:17

Abala na BaYuda a sinagoge, na bato batongo baya bajimaka Njambe. Na abala busa na busa na bato batana yo a jando.

Bikɔmɛli 16:1

Paulo amea a Delube na Lusetulia. Okina mocingami adaka ena, kombe ende Timoteo, ngwa’nde MoYuda, sangwa’nde MoEla.

Bikɔmɛli 14:2

BaYuda ko baya balona bojima, bakeja bapakano kɛlɛ na balumeja milema mibu na bokosea a mojɔ mobaninga.

Bikɔmɛli 13:5

Asɛmɛ bo a Salami, batɔndɔ Mwako moNjambe a sinagoge jiBaYuda. Yoane abakɔmeja koko.

Yoane 12:20

Bakina BaEla badaka bacingi na bato baya badoa a mojɔ mobosakoa a Kola.

Yoane 7:35

BaYuda babalana bo, Iyo akanaka bokɛ jɔ, bo so botamoboloja? Isa akanaka bokɛ ai BaYuda baya banangana a tei eBaEla, isa âkoja BaEla?

Bakɔlɔsai 3:11

A eyoeli emina, bato baditi BaEla isa BaYuda, bato babolena-ganda isa pɛ bolena-ganda, isa bato babohali, isa BaSukutea, isa babuli, isa basɔmi; mojɔ mosusu modi Masiya a tei ebato basusu.

Bagalata 2:3

Tito, yona odaka na mbi, adaka MoEla; ibo ko baibekea bo bamolene ganda.

Bikɔmɛli 19:10

Akɔ boa bianga bisusu bibae, na bato basusu baAsia baka mwako moKumu, na BaYuda na BaEla pongono.

Malako 7:26

Mwali omina adaka MoEla; likota linde mɛnɛ lidaka Silapoinike. Iyo angɔɔnɔ Yesu bo amejae mwembo mobe ai mwana’nde.

Bikɔmɛli 2:47

Basakoaka Njambe, na badaka na gala epele a tei ebato bangando. Njambe anɛngɛja Denga busa na busa oko na bato baya bahelaka.

Bikɔmɛli 14:19

Bakina BaYuda ko baAntiokia na Ikonia badoa. Ibo bapangoa bato, ba’la Paulo matai, na bamokpakula a sokolu engando, mojɔ bo balɛkɛ bo adi mogo.

Bikɔmɛli 16:2

Iyo adaka na gala epele a tei ebaninga baLusetulia na baIkonia.

2 Timoteo 3:11

bodingoa na minɔngɔ mimbi, na mijɔ minɛ mbi a Antiokia, a Ikonia na a Lusetulia. Nasɔ bodingoa bonɛnɛ na eci; Njambe ko ahelejani a minɔngɔ mi misusu.