Bikɔmɛli 13:25 - Nouveau Testament en Ngombe 1961

²⁵ Yoane yo mɛnɛ, yana ameaka yo a suka eelomu ende, abajebeja bo, Mbi naditi yona olɛkɛ no. Ikani ko, yo akɛkɛ adoe ngɔngɔ jimbi, na mbi nitabɔngɔ bo nacingoe sapata jinde.

Bikɔmɛli 13:25 Referans Kwoze

Matayo 3:11

Mbi nabatisaka no a madiba cina ebohekoja bomilema; yo ko yona okɛkɛ adoe ngɔngɔ jimbi anɔi mbi na ngulu. Mbi nabɔngiti bo natombe sapata jinde. Iyo âbatisa no a Mwembo Mosɛnɔke na a mosa.

Malako 1:7

Bwɛnji bonde bodaka oko bu,—Okina akɛkɛ adoe ngɔngɔ jimbi yona onɔi mbi na ngulu. Mbi nabɔngiti bo nasumane a bocingoa mokɔ li mosapata jinde.

Bikɔmɛli 20:24

Mhi ko nalɛkɛ bo mohelo mombi modi eka engasa mɛnɛ; moditi nongo na yumu a miso mambi. Posa embi edi oko bo namee a suka enjea embi, bo nasiejae elomu esɔ mbi ai Kumu Yesu, elomu ebotɔndɔ Mwako Mopele momonganji moNjambe.

Boboloja 11:7

Bakasieja tati ebu, tito yona omanaka a mombɔndɔ monase adi bona na bu bila, abagbokejabí na abawabí.

2 Timoteo 4:7

Mbi nani etumba epele. Namei a suka enjea embambano. Nabanei ejimeli.

2 Bakolinto 4:5

Iso botɔndɔkɔ Mwako Mopele moYesu Masiya, bo yo adi Kumu, te nongo mijɔ misu bɛnɛ. Iso bɛnɛ bodi oko bakɔmɛli banu a kombe eYesu.

Bikɔmɛli 19:4

Paulo abala bo, Yoane abatisa na batisimo a mojɔ mobohekoja bomolema, na atɔndɔ bato bo bajimee yona odi bodoa ngɔngɔ jinde, oko Yesu.

Bikɔmɛli 13:36

Dawidi apɔ; mojɔ bo ama yo kɔmɛ mbota ende o akana Njambe, ami hwɛ oko bohwɛ, na bamopusea a dɔngɔ dibasangwa’nde.

Yoane 7:18

Yona okojaka na kpaci ende mɛnɛ apalaka bo asakumejae. Yona ko opalaka bo akumejae yona omoloma, yo adi moto osoti, na bokosea boditi a tei ende.

Yoane 4:34

Yesu abala na bu bo, Mambi mia madi oko bo nakɔe bolulea boyona olomani, na bo nasiejae elomu ende.

Yoane 1:36

Iyo anɛ Yesu akadale, na abala bo, Anjani Mwana-Bata oNjambe!

Yoane 1:34

Mbi namoni mbi mɛnɛ, na natɔndɔkɔ na soti bo Iyo adi Mwana ’Njambe.

Yoane 1:29

Yana ahoa busa, Yoane anɛ Yesu akadoe ai yo, na abekoa bo, Anjani Mwana-Bata oNjambe yona odongejaka bobe bongondo!