Bikɔmɛli 13:2 - Nouveau Testament en Ngombe 1961

² Yana akɔmɛkɛ bo Kumu na bosakoa na bokia bodia, Mwembo Mosɛnɔke mobala bo, Hɛngɛni ai mbi Balanaba na Saula a mojɔ moelomu ebahɔi mbi.

Bikɔmɛli 13:2 Referans Kwoze

Bagalata 1:15

Njambe ko, yona ohɛngɛ mhi oko a bobotama bombi, abea mbi na monganji monde,

Bikɔmɛli 9:15

Kumu ko abala na nde bo, Kɛ. Mbi nahɔi moto omina bo ajebejae kombe embi ai bapakano, ai bakumu, na ai bana baYisalaele.

2 Timoteo 1:11

Mbi nahɛngɛmɛ bo nadae motɔndɔi, na obwɛnji, na mokoja oMwako momina,

1 Bakolinto 12:11

Mwembo ko mua mokɔkɔ ngando jisusu na okabaka ai moto na moto libondo lipalaka yo, modi oko Mwembo momɔci pɛ.

Baloma 1:1

Mbi Paulo nadi mobuli oYesu Masiya. Nabeama bo nadae obwɛnji; nahɛngɛmɛ a mojɔ moMwako Mopele moNjambe

1 Timoteo 2:7

A mojɔ momina, mbi nahɔmɔ bo nadae motɔndɔi na obwɛnji (naba-laka na soti mɛnɛ, te nongo na bokosea) na a bokoja bapakano ejimeli na Soti.

Bikɔmɛli 22:21

Na Kumu abala na mbi bo, Kɛ; mbi nadi boloma wɛ bohali ai bapakano.

Bikɔmɛli 14:26

Batamba a masua a ngando emina a bohula a Antiokia. Mojɔ bo bama hɛngɛmɛ a monganji moNjambe a ngando emina, a mojɔ moelomu enɛnɛ emaka bo kɔ.

Bakɔlɔsai 4:17

Pani Alukipo monɔkɔ mu; Banea elomu esɔ wɛ ai Kumu, bo okɔe elomu emina na soti.

Luka 2:37

Adika yo mwali-obogwa, adaka na bianga domi-bomwambe na binɛi. Iyo aikina nongo tempelo; asakoaka Njambe na ma’nga na bikia na bulu na moi.

2 Timoteo 2:2

Jebeja bato baejimeli ngando jika wɛ ai mbi a boso bobatati banɛnɛ, bo babwane bokoja bato batongo.

Baɛpɛsɔ 3:7

Mbi nahɔmɔ bo nadae mokɔmɛli oMwako Mopele, cina eepeeli emonganji moNjambe mua mosɔ mbi ai yo na ndangasa engulu ende.

Bikɔmɛli 13:3

Oko boa yana akia bo koko, na yana anga bo, bababakea mɔmɔ na babaloma.

Bikɔmɛli 10:30

Kɔlunelio abala bo, Masu manɔbi manɛi, oko a ehole yeye, mbi nadakabi a bonga a ndako embi a ehole trois heures. Bundumo, moto yona odaka na bisenja bibolailiai amabi a boso bombi.

Bikɔmɛli 10:19

Na yana alɛkɛ Pɛtɛlo a mojɔ monjɔti, Mwembo mobala na nde bo, Ika, bami basato badukaka wɛ.

Bikɔmɛli 8:29

Mwembo mobala na Pilipo bo, Kɛ acingame na lijangi dia.

Matayo 9:38

A mojɔ momina, ingani Kumu oejueli bo alome basali a bojua.

Matayo 6:16

Yana adi na bikia, t’odaeni oko na wa a miso manu o ekɔmɛli ebakosei. Ibo bakinaka maso mabu mabehe, a boneja bato bo bakiaka dia. Mbi natɔndɔkɔ no soti bo ndese ebato bamina ebwani.

Baebele 5:4

Moto atasabakea a ekumu emina yo mɛnɛ; Njambe amobeaka o akɔ yo na Alona.

2 Timoteo 4:11

Odikai na mbi oko Luka pɛ. Bea Malako; doa na nde pongono, mojɔ bo yo abwani bokɔmeja mbi a elomu.

2 Timoteo 4:5

Wɛ ko, sabekea bihole bisusu. Da na eci a tei ebodingoa. Kɔ elomu emotɔndɔi oMwako Mopele. Kɔ ngando jisusu jia jicingi na elomu ewɛ.

2 Bakolinto 11:27

Nadaka na bilomu na minɔngɔ bou mɛnɛ, pɛ bohwɛ na bulu, oko na nja, na ekangola bou mɛnɛ, na bikia bihole binɛnɛ, na pio na mbundu pongono.

2 Bakolinto 6:5

na nji, na blɔkɔ, na bigbomegbome, na bilomu, na taka ehiɔ, na nja,

1 Bakolinto 7:5

Momi abwaniti bobulɛ mwali onde, na mwali abwaniti bobulɛ muma’nde. Okakɔni boa bo osahɛngɛeni a mojɔ moho’nga ekina ehole, kɔni oko na mojimo mobasusu babae. Mojɔ momina mokasia ko, siejani ekia emina, bo Satana asaka meka no, na otahɔnɔkɔni bogbokeja posa jinu.

Baloma 15:16

bo nadae mokɔmɛli oMasiya Yesu a tei ebapakano, a elomu eMwako Mopele moNjambe. Oko boa bapakano bâda epeeli ebwanake, epeeli esɛnɔke, a mojɔ moMwembo Mosɛnɔke.

Baloma 10:15

Na bato bamiti lomama, badi botɔndɔ mwako na ye? Mosɔnɔmɔ bo, Baya batɔndɔkɔ Mwako Mopele—bibota bibu esɛngɔ!

Bikɔmɛli 20:28

Mwembo Mosɛnɔke mohɔ no habanei babwela a bobɔkɔ Denga diNjambe dia disikoa yo na makia mande mɛnɛ. A mojɔ momina toma sabaneani no bɛnɛ, na baneani bwela bosusu pongono.

Bikɔmɛli 6:4

Iso ko bodi bosahɛngɛ oko a mojɔ mobo’nga na elomu eMwako Mopele.

Luka 10:1

Ngɔngɔ jimina, Kumu ahɔ bacingami batongo domi-sambo. Abaloma boso bonde, bato babae babae, a ngando jisusu, na bisika bisusu bikanaka yo bokɛ.

Bikɔmɛli 4:36

Okina MoLewi pongono, kombe ende Yosepa, (Babwɛnji bamobakea kombe etongo Balanaba. Cina ekombe emina edi Mwana oEleho,) moto oKupulio,

Bikɔmɛli 13:4

Mwembo Mosɛnɔke mobaloma boa na bakɛ a Sɛlukia. Batamba a masua a esika emina, na bakɛ a Kupulio.

Matayo 17:21

Elimo ye emwembo ko edi bomana oko a mojɔ mobo’nga na ekia edia.