Bikɔmɛli 10:40 - Nouveau Testament en Ngombe 1961

⁴⁰ Njambe ko amongɔjɔ a bogwa a busa bomasato, na ajima bo aboloe ai bato na bohu mɛnɛ;

Bikɔmɛli 10:40 Referans Kwoze

1 Pɛtɛlo 1:21

Ejimeli enu ai Njambe edi a njea ende. Na Njambe amongɔjɔ a bogwa, na amokumeja, bo ejimeli enu, na njingo enu, jidae oko ai yo.

2 Bakolinto 4:14

mojɔ bo bojebaka bo yona ongɔjɔ Yesu a bogwa, adi bongɔjɔ so na Yesu, na adi bokweja so na nu a boso bonde.

Bikɔmɛli 2:24

Njambe ko amocingoa a mbɔci jibogwa, na amongɔjɔ, mojɔ bo bogwa boidaka na ngulu a bomopea na bosusu.

Baebele 13:20

Njambe obowi angɔjɔ koko Kumu osu Yesu a bogwa, Monjeli Monɛnɛ obata, na makia maMokongo mua modi na bosusu.

Baloma 14:9

Yesu agwa na ahela koko oko a mojɔ momina, bo adae Kumu obagwake, na Kumu obato baya badi mɔ.

Baloma 8:11

Isa Mwembo monde yona ongɔjɔ Yesu a bogwa modi a tei enu, yona ongɔjɔ Masiya Yesu a bogwa adi bopa no bomɔ a mikuku minu mibogwa, oko na Mwembo monde mua modi a tei enu.

Baloma 1:4

Iyo ko akuma o Mwana ’Njambe na ndangasa a njea eMwembo mobosɛnɔ, yana angɔ yo a tei ebagwake.

Bikɔmɛli 17:31

Mojɔ bo, yo ahɛngɛ bokina busa a bosambeja ngondo, esambi ebojo, oko na moto oma yo hɔ. Na angɔjɔ moto omina a bogwa, a boneja So bo mojɔ momina modi soti.

Yoane 14:22

Yuda (te Iskalio) abala na nde bo, Kumu, odi bosaboloja ai so, pɛ ko bosaboloja a ngondo mojɔ moye?

Bikɔmɛli 2:32

Oko boa Njambe amongɔjɔ, oko Yesu yo mɛnɛ. Iso basusu bodi banjɛnɛki bamojɔ momina.