Bikɔmɛli 10:22 - Nouveau Testament en Ngombe 1961

²² Ibo basɔmbeja bo, Okina kapitɛni obasoda, kombe ende Kɔlunelio, asɔbi bwɛnji ai obwɛnji oDiko bo alome ndɔsɔ ewɛ a bosɔ eleho ewɛ; yo adi moto oyongi epele, asumaka Njambe, na adi na gala epele a tei eBaYuda basusu.

Bikɔmɛli 10:22 Referans Kwoze

Bikɔmɛli 11:14

Iyo adi botɔndɔ wɛ mwako mobobeleja, wɛ mɛnɛ na bato bawɛ basusu.

Bikɔmɛli 10:2

Adaka moto oejimeli na lisuma ai Njambe, yo mɛnɛ na bato basusu badenga dinde. Adaka na liikabo ai bato, na angaka Njambe bihole hisusu.

3 Yoane 1:12

Bato basusu basakoaka Demetulio, na mwako mosoti motataka ai yo pongono. Mbi namosakoaka pongono, na ojebakani bo tati embi edi tati esoti.

Mokanda Momibae Mosɔnɔ Pɛtɛlo - 2PE 3:2

bo otabosani mijɔ Mibala batɔndɔi basɛnɔke eyou, na mobeko moKumu na Moheleja mosɔ no ai babwɛnji banu.

Baebele 12:23

Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

Baebele 11:2

Bato baehele basɔ tati epele oko a mojɔ moejimeli.

Baebele 10:38

Moto ombi obodongo adi bohela oko na ejimeli. Akasɔmbɔ mandulendule ko, molema mombi motasepa na nde.

1 Timoteo 3:7

Abwani boda na gala epele a boso bobato basokolu, bo atasamboa, na bo ata’ta elambo eSatana.

2 Bakolinto 5:18

Mojɔ mu mosusu mocingi na Njambe yona ohuleja so ai yo mɛnɛ a tei eMasiya, na abopa elomu ebosiili.

Baloma 1:17

Bodongo boNjambe boboloi a tei eMwako Mopele, banga oko na ejimeli, suka oko na ejimeli, o adi mosɔnɔ bo, Moto obodongo ahela oko a mojɔ moejimeli.

Bikɔmɛli 24:15

Njingo embi ai Njambe edi oko njingo ebu, bo bapele na babe badi bongɔ a bogwa.

Bikɔmɛli 22:12

Okina momi, kombe ende Anania, adoa ai mbi. Iyo adaka na lisuma linɛnɛ a Mibeko, na adaka na gala epele a tei eBaYuda bangando emina.

Bikɔmɛli 10:33

Oko boa mbi nalomejabi wɛ bokpa, na adoi wɛ, okɔi mojɔ mopele. Edɛye so basusu bodi ya a boso boNjambe, a boka ngando jisusu jisi wɛ ai Njambe, bo obale na su.

Bikɔmɛli 10:6

Adi a ndako eSimona, moto yona obɔngejaka biobo bitito. Ndako ende edi a mbongu.

Bikɔmɛli 6:3

Baninga, dukani bami sambo a tei enu, bato bagala epele baya balumi na Mwembo Mosɛnɔke na bowɛi, bo bobapɛ elomu emina.

Yoane 17:20

Mbi mta’ngaka a mojɔ mobu pɛ. Nangaka a mojɔ mobato baya badi bojimea mbi a mojɔ mobokoja bobu,

Yoane 17:8

Mbi nabapi bikenge bipani wɛ. Ba’si bikenge bimina; bajebaka na soti bo mbi nadonga ai wɛ, na bajimaka bo wɛ oloma mbi.

Yoane 13:20

Mbi natɔndɔkɔ no na soti bo, yona osɔkɔ moto olomaka mbi, asɔkɔ mbi mɛnɛ; na yona osɔkɔ mbi, asɔkɔ yona olomani.

Yoane 6:68

Simona Pɛtɛlo amosɔmbeja bo, Kumu, iso bodi bokɛ ai nda? Odi na bikenge bibomɔ oko wɛ.

Yoane 6:63

Mwembo pɛ mopaka bomɔ; munu modi eka engasa. Bikenge bibali mbi na nu bidi mwembo, na bidi bomɔ.

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

Luka 23:50

Okina momi adaka ena, kombe ende Yosepa, moto oAlimate a likota liYuda. Iyo adaka moto olikita libasuku, moto mopele, moto ohodongo.

Luka 2:25

Okina momi adaka a Yelusalema, kombe ende Simeona; yo adaka moto obodongo, moto olisuma ai Njambe. Ambaka bogɔmbeja boYisalaele na tɛndɛ, na Mwembo Mosɛnɔke modaka ai yo.

Malako 8:38

Moto na moto yona okaka sɔni a mojɔ mombi na bikenge bimbi a tei eelulu ye ebɔɔli na bobe, Mwana ’Moto âmokea sɔni a bodoa bonde a ekumu eSangwa ’nde na babwɛnji basɛnɔke baDiko.

Malako 6:20

Aihɔnɔ ko, mojɔ bo Elode abangaka Yoane. Ajebaka bo adi moto obodongo, moto mosɛnɔke, na amokakela. Nongo adaka yo na mokakwano a molema yana akaka yo Yoane, amoka na sepi.

Matayo 1:19

Yosepa, muma’nde, adaka moto oyongi, na aipala bo amokejae sɔni a miso mabato. Akana bo asiejae mojɔ monde na bowi.

Matayo 2:12

Njambe ko abajebeja a njɔti bo bata-sɔmbɔ ai Elode; na bayana a ngando ebu a njea etongo.

Luka 9:26

Isa moto a’kaka sɔni a mojɔ mombi na bibaeli bimbi, Mwana ’Moto âmokea sɔni yana âdoa yo a ekumu ende na ekumu eSango na babwɛnji basɛnɔke.

Bikɔmɛli 10:21

Pɛtɛlo atita, na abala na bato bamina bo, Mbi yona; odukakani oko mbi. Odoini mojɔ moye?

Bikɔmɛli 10:30

Kɔlunelio abala bo, Masu manɔbi manɛi, oko a ehole yeye, mbi nadakabi a bonga a ndako embi a ehole trois heures. Bundumo, moto yona odaka na bisenja bibolailiai amabi a boso bombi.

Boboloja 14:10

moto omina adi bomwaka vino elikundu li-Njambeyena esɛlingoamaa kɔpɔ ekɛlɛ ende, pɛpɛ nongo bombɛjɛ; na adi bodingoa na mosa na supulu a boso bobabwɛnji basɛnɔke, na a boso boMwana-Bata.