2 Yoane 1:4 - Nouveau Testament en Ngombe 1961

⁴ Mbi nadaka na sepi enɛnɛ yana atana mbi bakina bana bawɛ bakadale a njea esoti, o ama so sɔ mobeko ai Sango.

2 Yoane 1:4 Referans Kwoze

Baɛpɛsɔ 5:8

Odakani bosoboso modidi; e dɛye ko odini bohu atei eKumu; oko boa, toma dani na bikɔmɛli bibana babohu.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

1 Yoane 2:6

Moto yona obalaka bo adi a tei ende abwani bodala a njea edalaka yo.

Bafilipoi 4:10

Mbi nadi na sepi enɛnɛ ai Kumu, mojɔ bo bolɛ bonu ai mbi bosisoi koko e dɛye. Odakani na bolɛ ai mbi soti, na etaka na nu oko njea a boneja bolɛ bonu.

Bagalata 2:14

Mbi ko, yana anɛ mbi bo batasusaka njea esoti eMwako Mopele, nabala na Pɛtɛlo yana adaka bo basusu baboli; nabala bo, Isa wɛ MoYuda okɔkɔ o akɔkɔ bapakano, te nongo ekɔmɛli eBaYuda, omekaka na bopipo a bohekoja bapakano a ekɔmɛli eBaYuda mojɔ moye?

1 Bakolinto 13:6

Epaeli etasepaka a mojɔ mobobe, esepaka oko a mojɔ mobopele pɛ.