2 Bakolinto 11:3 - Nouveau Testament en Ngombe 1961

³ Njɔ ko akosea Ewa na poloso ende; na mbi nadi na mokakwano bo milema minu misaka beha boa pongono, na osaka kinani lisuma linu lisɛnɔke ai Masiya.

2 Bakolinto 11:3 Referans Kwoze

Bakɔlɔsai 2:8

Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.

Bagalata 1:6

Mbi nakamoaka bo oiyeyoani nongo a bobulɛ yona obea no a monganji moMasiya, na ohekoani a mokina mwako motongo

Baɛpɛsɔ 4:14

Bobwaniti boda koko bana bakɛkɛ, baya bahombahombaka na bapɛpɛnɛkɛ na pwea jisusu jibokoja bobato baepulu baya badi na poloso a bokoja ngando jibokosea.

Bakɔlɔsai 2:4

Nabali boa, bo moto asaka kosea no na bikenge biepulu.

1 Yoane 4:1

Baninga, t’ojimeni oko miembo misusu. Sisoani miembo a bojeba isa micingi na Njambe, cina bo batɔndɔi babokosea banɛnɛ banangani a ngondo.

1 Timoteo 2:14

Na Adama ailɛngɛmɛ; yona olɛngɛmɛ na yona okwa, oko mwali.

Boboloja 12:9

Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.

Baebele 13:9

T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

Yoane 8:44

Ino odini oko bana basangwa’nu Satana, na opalakani bokɔ ngando jipalaka sangwa’nu. Iyo adaka mowoi oko a bobanga mɛnɛ, na acingiti nongo na ngando jisoti, mojɔ bo Soti editi a tei ende. Yana abalaka yo na bokosea, abalaka oko kɔpi ende mɛnɛ, mojɔ bo adi mokosei, na sange ’bokosea.

Bagalata 3:1

Ino BaGalatia, ino bindanga. Oseli no nda? ino baya banɛ na miso manu Yesu Masiya a mole-mobokea, bohu mɛnɛ.

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

1 Yoane 2:18

Bana bambi, ehole esuka emei. Ino o’kani bo Soki-eMasiya adi bodoa. Soki-jiMasiya badoi banɛnɛ, na badi e dɛye; oko boa bojebaka bo ehole esuka emei.

Mokanda Momibae Mosɔnɔ Pɛtɛlo - 2PE 3:17

Ino ko baninga, ajebaka no oko ngando jimina jidoakini, toma nganjamani, bo osaka laboani a mojɔ mobo-kosea bobato babe, na otadani koko bambilimake.

Bagalata 4:11

Mbi nadi na mokakwano isa elomu embi a tei enu enami oko bonama.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

Mokanda Momibae Mosɔnɔ Pɛtɛlo - 2PE 3:3

Mojɔ moboso—toma cingeani bo bato babiloli badi bodoa a masu masuka a mojɔ mobololea.

2 Timoteo 3:13

Bato babe ko, na bato babokosea badi bohɛ na bobe; badi balaboake bo bɛnɛ, na balabojaka bato batongo pongono.

1 Batɛsalɔnike 3:5

A mojɔ momina, naihɔnɔ bo’mba koko, na naloma bo najebe mojɔ moejimeli enu. Nadaka na mokakwano bo Momeki asaka meka no, na elomu esu esaka nama.

Baɛpɛsɔ 6:24

Yɛ monganji moNjambe modae na bato basusu baya bapalaka Kumu osu Yesu Masiya na ngɛnjɔ yena etasia.

Bagalata 2:4

Bakina baninga babokosea ko bakwea kɛngi a tei esu na poloso, bo bakoke-lejae bosɔmi bosu bua bodi na su a tei eMasiya Yesu, a bohuleja so a libuli.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

Matayo 24:24

Mojɔ bo BaMasiya babokosea bâdoa banɛnɛ a masu mamina. Bâneja bimbete na mindumba mibokamoa, na êdika mweka pɛ bo balabojae bahɔmɔke baNjambe.

Yuda 1:4

Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

Tito 1:10

Mojɔ bo bato balipanga badi banɛnɛ, bato babibalabala na babokosea, gbo oko bato baejimeli eBaYuda.

1 Timoteo 1:3

Nalɛjɛkɛ wɛ eleho epa mhi wɛ yana akɛ mbi a Makedonia, bo oyeyoe a Ɛpɛsɔ a boleha bakwa bato bo batakoja bokina bokoja botongo,

Bakɔlɔsai 2:18

T’ojimeni oko bo obungejaeni ndese enu a mojɔ momoto yona obekeaka no bo osatitejaeni a bosakoa babwɛnji badiko. Moto omina alɛkɛ oko mijɔ minjɔti pɛ, na egbo emolema monde mobe.

2 Bakolinto 11:29

Okina akapeka, mbi napekaka pongono. Okina akakwa, molema mombi mongoaka oko bongoa.

Baloma 12:8

Molehi adi na elomu eboleha. Yona opaka bipeeli adi bopa na likabo limonganji. Yona odi na elomu a boso bobato, adi boda na bingi; na yona okɔmejaka bato na wa adi boda na sepi.

Boboloja 20:2

Apea Dalakona, oko njɔ yona moyou, yona odi Jabalo na Satana, na amo’sa ta mbɔci bo adae ena bianga koto emɔci.

2 Bakolinto 11:20

Moto akapika no babuli, akayaka leka lonu losusu, akasamboja no, akada na egbo, akaboma maso manu, otalonani moto omina.

Baɛpɛsɔ 4:22

Toma hwani moto moyou yona odaka na ekɔmɛli eyou, yona odi mopɔke mɛnɛ a mojɔ moposa jibokosea.

Boboloja 12:15

Njɔ asopa dua emadiba a monɔkɔ monde ngɔngɔ jimwali, bo amocindojae na mopimbola.